https://sputnik.kg/20240529/kiev-front-batyshtan-60-istrebitel-zhetkiruunu-suranuuda-1085606792.html
Киев фронттогу чектерин коргош үчүн Батыштан 60 истребитель сурап жатат
Киев фронттогу чектерин коргош үчүн Батыштан 60 истребитель сурап жатат
Sputnik Кыргызстан
Буга чейин Зеленский Рейтер агенттигине берген маегинде абадан коргонуу, каршы туруу үчүн аз дегенде 120-130 учак зарыл экенин белгилеген. 29.05.2024, Sputnik Кыргызстан
2024-05-29T21:10+0600
2024-05-29T21:10+0600
2024-05-30T10:13+0600
дүйнөдө
украина
батыш
атайын операция
акш
аскердик жардам
f-16 истребители
россиянын донбассты коргоо боюнча атайын операциясы
https://sputnik.kg/img/07e8/05/1d/1085607023_0:107:3000:1795_1920x0_80_0_0_00161c3de19dc662b755dfc520f3a3b9.jpg
БИШКЕК, 29-май — Sputnik. Украинага кармаш болуп жаткан аймактардагы чектерди коргоо үчүн кеминде Батыштын 60 истребители керек. Бул тууралуу Владимир Зеленскийдин кеңсе башчысынын кеңешчиси Михаил Подоляк "Блумберг" агенттигине берген маегинде билдиргенин РИА Новости жазды. Буга чейин Зеленский "Рейтер" агенттигине берген маегинде абадан коргонуу, каршы туруу үчүн аз дегенде 120-130 учак зарыл экенин белгилеген.Мурдараак АКШ союздаштарына F-16 учактарын Украинага берүүгө уруксат берген. Аны башкарып, тейлеген адистерди даярдоого өздөрү катышары маалым болгон. Окутуу Аризонада өтөрү айтылган.Апрелде АКШнын Аба күчтөрүнүн өкүлү РИА Новостиге бул штатта украиналык 12 учкуч машыгуудан өтүп жатканын билдирген.Украинага F-16 согуштук учактарын берүүгө биринчилерден болуп Нидерландия менен Дания макул болушкан. Ак үй Украина учкучтары машыгуудан өткөндөн кийин үчүнчү өлкөлөрдөн согуштук учактарды аларын ырастаган.Голландиянын коргонуу министри Кайса Оллонгрен Гаага Киевге алгачкы F-16 согуштук учактарын 2024-жылы жөнөтүүнү пландаганын билдирсе, Бельгиянын тышкы иштер министри Ажа Лябиб Бельгия 2028-жылга чейин Украинанын 30 F-16 учагы менен камсыздаарын, алгачкыларын Киев ушул жылдын аягына чейин кабыл алышы керектигин айткан.Буга чейин Россиянын Гаагадагы элчиси Александр Шульгин голландиялыктардын Киевге F-16 согуштук учактарын жеткирүүсү Украинадагы чыр-чатактын созулуп кетишин шарттап, мындан жөнөкөй калк эле жабыркай турганын белгилеген.Москва Украинаны куралдандыруу түзүлгөн кырдаалды жөнгө салууга тоскоолдук жаратып, конфликтиге НАТО өлкөлөрүн түздөн-түз кийлигиштирип "от менен ойноп" жатат деп эсептейт. РФ ТИМинин башчысы Сергей Лавров Украинаны куралдандыруу үчүн берилген ар бир жүк Россиянын максаттуу бутасы болорун айткан. Ал билдиргендей, АКШ жана НАТО Украинаны курал-жарак менен камсыздап жаңжалга түздөн-түз катышкандан тышкары Улуу Британия, Германия, Италия жана башка өлкөлөрдө адистерди даярдоо менен да алек болушууда. Кремль Батыш тараптын Украинаны курал менен камсыздоосу сүйлөшүү жолуна алып келбей турганын, тескерисинче, мындан терс натыйжа чыгарын айткан.
https://sputnik.kg/20240529/aksh-kiyev-rossiya-kural-atuu-karshylyk-1085582892.html
украина
батыш
акш
Sputnik Кыргызстан
media@sputniknews.com
+74956456601
MIA „Rosiya Segodnya“
2024
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
дүйнөдө, украина, батыш, атайын операция, акш, аскердик жардам, f-16 истребители
дүйнөдө, украина, батыш, атайын операция, акш, аскердик жардам, f-16 истребители
Киев фронттогу чектерин коргош үчүн Батыштан 60 истребитель сурап жатат
21:10 29.05.2024 (Жаңыртылды: 10:13 30.05.2024) Буга чейин Зеленский Рейтер агенттигине берген маегинде абадан коргонуу, каршы туруу үчүн аз дегенде 120-130 учак зарыл экенин белгилеген.
БИШКЕК, 29-май — Sputnik. Украинага кармаш болуп жаткан аймактардагы чектерди коргоо үчүн кеминде Батыштын 60 истребители керек. Бул тууралуу Владимир Зеленскийдин кеңсе башчысынын кеңешчиси Михаил Подоляк "Блумберг" агенттигине берген маегинде билдиргенин
РИА Новости жазды.
"Киевге фронттун чектерин коргоо үчүн аз дегенде Батыштын 60 истребители керек", — деген Подоляк.
Буга чейин Зеленский "Рейтер" агенттигине берген маегинде абадан коргонуу, каршы туруу үчүн аз дегенде 120-130 учак зарыл экенин белгилеген.
Мурдараак АКШ союздаштарына F-16 учактарын Украинага берүүгө уруксат берген. Аны башкарып, тейлеген адистерди даярдоого өздөрү катышары маалым болгон. Окутуу Аризонада өтөрү айтылган.
Апрелде АКШнын Аба күчтөрүнүн өкүлү РИА Новостиге бул штатта украиналык 12 учкуч машыгуудан өтүп жатканын билдирген.
Украинага F-16 согуштук учактарын берүүгө биринчилерден болуп Нидерландия менен Дания макул болушкан. Ак үй Украина учкучтары машыгуудан өткөндөн кийин үчүнчү өлкөлөрдөн согуштук учактарды аларын ырастаган.
Голландиянын коргонуу министри Кайса Оллонгрен Гаага Киевге алгачкы F-16 согуштук учактарын 2024-жылы жөнөтүүнү пландаганын билдирсе, Бельгиянын тышкы иштер министри Ажа Лябиб Бельгия 2028-жылга чейин Украинанын 30 F-16 учагы менен камсыздаарын, алгачкыларын Киев ушул жылдын аягына чейин кабыл алышы керектигин айткан.
Буга чейин Россиянын Гаагадагы элчиси Александр Шульгин голландиялыктардын Киевге F-16 согуштук учактарын жеткирүүсү Украинадагы чыр-чатактын созулуп кетишин шарттап, мындан жөнөкөй калк эле жабыркай турганын белгилеген.
Москва Украинаны куралдандыруу түзүлгөн кырдаалды жөнгө салууга тоскоолдук жаратып, конфликтиге НАТО өлкөлөрүн түздөн-түз кийлигиштирип "от менен ойноп" жатат деп эсептейт. РФ ТИМинин башчысы Сергей Лавров Украинаны куралдандыруу үчүн берилген ар бир жүк Россиянын максаттуу бутасы болорун айткан. Ал билдиргендей, АКШ жана НАТО Украинаны курал-жарак менен камсыздап жаңжалга түздөн-түз катышкандан тышкары Улуу Британия, Германия, Италия жана башка өлкөлөрдө адистерди даярдоо менен да алек болушууда. Кремль Батыш тараптын Украинаны курал менен камсыздоосу сүйлөшүү жолуна алып келбей турганын, тескерисинче, мындан терс натыйжа чыгарын айткан.
