https://sputnik.kg/20240516/tblisidegi-naarazylykka-estoniya-islandiya-litva-timderi-koshuldu-1085165042.html
Тбилисидеги нааразылыкка Эстония, Исландия, Литва ТИМ башчылары келди
Тбилисидеги нааразылыкка Эстония, Исландия, Литва ТИМ башчылары келди
Sputnik Кыргызстан
Кирип жаткан жаңычылдыктарга ичи чыкпагандар АКШ менен Грузиянын аталган документтеринин ортосундагы "айырмачылыктарын" белгилешкен. 16.05.2024, Sputnik Кыргызстан
2024-05-16T14:08+0600
2024-05-16T14:08+0600
2024-05-16T15:03+0600
дүйнөдө
грузия
акция
нааразычылык
"чет элдик агенттер жөнүндө" мыйзам
https://sputnik.kg/img/07e8/05/10/1085161278_0:57:1181:721_1920x0_80_0_0_47f17c5865482838b0e0ebea0817d4d3.jpg
БИШКЕК, 16-май — Sputnik. Эстония, Исландия, Литва ТИМ башчылары шаршемби күнү Тбилисинин Руставели проспектинде өткөн чет элдик агенттер жөнүндө мыйзамга каршы чыккандардын акциясына келип кошулуп, демонстранттарды колдошту. Бул туурасында РИА Новости жазды. Кечээ Грузиянын баш калаасындагы парламенттин имаратынын алдында чет элдик агенттер жөнүндөгү мыйзамга каршы кезектеги акция уюштурулган. Парламент 14-апрелде аталган мыйзамды үчүнчү, акыркы окууда кабыл алган.Ал эми Литванын ТИМ башчысы Габриэлюс Ландсбергис сүйлөп жатып, "Грузиянын Европадагы келечеги үчүн азыркы чечимдердин кесепети кандай болорун ачык айтууга" чакырды.Демонстрацияга чыккандарды колдоорун Исландия ТИМинин башчысы Тордис Колбрун Рейкфьорд Гильфадоттир да билдирген."Балтика боюндагы өлкөлөрдү өздөрүнүн көз карандысыздыгын калыбына келтиргенде колдогонбуз. Андыктан менин бул жерде жүрүшүм силерди колдоо, жалгыз эмессиңер, ал эми аттанып келгенибиз — урмат көрсөткөнүбүз", — деген министр айым.Литва, Эстония, Исландия министрлери Грузияда сапар менен жүргөн.Апрелде "Грузин кыялы" парламентке чет элдик агент жөнүндө өздөрүнүн мыйзамын экинчи ирет киргизген. "Чет элдиктердин таасиринин ачыктыгы" мыйзам долбоорунда "чет элдик таасирдеги агент" термининин ордуна "чет элдик күчтөрдүн кызыкчылыгын көздөгөн" термини колдонулуп, ал эми калган бөлүгүнө өзгөрүү кирген эмес. Мыйзам кирешесинин 20 пайыздан ашыгы чет жактан түшкөн ЖМКларды, коммерциялык эмес юридикалык тараптарды каттоону карайт. Анда "чет элдик күчтөрдүн кызыкчылыгын көздөйт" деп эсептелгендердин баары мамлекеттик реестрден өтүүгө милдеттүү болот. Каттоо учурунда алган кирешелерин көрсөтүү жана декларация толтуруу зарыл. Эгер баш тартышса 25 миң ларилик (9,5 миң долларга чукул) айыпка жыгылат. Мыйзам долбоорунун оппоненттери аны Россиядагы мыйзамдын дал өзү деп аташкан, анткен менен чет элдик агенттерди каттоо боюнча мыйзам АКШда да көп жылдан бери иштеп келет.Кирип жаткан жаңычылдыктарга ичи чыкпагандар АКШ менен Грузиянын аталган документтеринин ортосундагы "айырмачылыктарын" белгилешкен. Океандын ары жагында душманына көз салып туруу, ал эми Тбилисиде өлкөнүн досторун көзөмөлдөө үчүн жасалууда дешкен. Грузия бийлиги мыйзам толугу менен укуктук принциптерге негизделип, тиешелүү ЖМКлар жана өкмөттүк эмес уюмдардын финансысын жыл сайын ачыктоо максатын көздөөрүн айтып келет.
https://sputnik.kg/20230309/gruziya-chet-eldik-agent-chakyrtyp-aluu-1073460249.html
грузия
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, грузия, акция, нааразычылык, "чет элдик агенттер жөнүндө" мыйзам
дүйнөдө, грузия, акция, нааразычылык, "чет элдик агенттер жөнүндө" мыйзам
Тбилисидеги нааразылыкка Эстония, Исландия, Литва ТИМ башчылары келди
14:08 16.05.2024 (Жаңыртылды: 15:03 16.05.2024) Кирип жаткан жаңычылдыктарга ичи чыкпагандар АКШ менен Грузиянын аталган документтеринин ортосундагы "айырмачылыктарын" белгилешкен.
БИШКЕК, 16-май — Sputnik. Эстония, Исландия, Литва ТИМ башчылары шаршемби күнү Тбилисинин Руставели проспектинде өткөн чет элдик агенттер жөнүндө мыйзамга каршы чыккандардын акциясына келип кошулуп, демонстранттарды колдошту. Бул туурасында
РИА Новости жазды.
Кечээ Грузиянын баш калаасындагы парламенттин имаратынын алдында чет элдик агенттер жөнүндөгү мыйзамга каршы кезектеги акция уюштурулган. Парламент 14-апрелде аталган мыйзамды үчүнчү, акыркы окууда кабыл алган.
"Грузиянын мыйзамдуу орду Евробиримдикте, Грузин эли муну колдойт. Силер жалгыз эмессиңер, биз силер менен биргебиз", — деп Эстониянын тышкы иштер министри Маргус Цахкна акциянын катышуучуларына кайрылган.
Ал эми Литванын ТИМ башчысы Габриэлюс Ландсбергис сүйлөп жатып, "Грузиянын Европадагы келечеги үчүн азыркы чечимдердин кесепети кандай болорун ачык айтууга" чакырды.
Демонстрацияга чыккандарды колдоорун Исландия ТИМинин башчысы Тордис Колбрун Рейкфьорд Гильфадоттир да билдирген.
"Балтика боюндагы өлкөлөрдү өздөрүнүн көз карандысыздыгын калыбына келтиргенде колдогонбуз. Андыктан менин бул жерде жүрүшүм силерди колдоо, жалгыз эмессиңер, ал эми аттанып келгенибиз — урмат көрсөткөнүбүз", — деген министр айым.
Литва, Эстония, Исландия министрлери Грузияда сапар менен жүргөн.
Апрелде "Грузин кыялы" парламентке чет элдик агент жөнүндө өздөрүнүн мыйзамын экинчи ирет киргизген. "Чет элдиктердин таасиринин ачыктыгы" мыйзам долбоорунда "чет элдик таасирдеги агент" термининин ордуна "чет элдик күчтөрдүн кызыкчылыгын көздөгөн" термини колдонулуп, ал эми калган бөлүгүнө өзгөрүү кирген эмес. Мыйзам кирешесинин 20 пайыздан ашыгы чет жактан түшкөн ЖМКларды, коммерциялык эмес юридикалык тараптарды каттоону карайт. Анда "чет элдик күчтөрдүн кызыкчылыгын көздөйт" деп эсептелгендердин баары мамлекеттик реестрден өтүүгө милдеттүү болот. Каттоо учурунда алган кирешелерин көрсөтүү жана декларация толтуруу зарыл. Эгер баш тартышса 25 миң ларилик (9,5 миң долларга чукул) айыпка жыгылат. Мыйзам долбоорунун оппоненттери аны Россиядагы мыйзамдын дал өзү деп аташкан, анткен менен чет элдик агенттерди каттоо боюнча мыйзам АКШда да көп жылдан бери иштеп келет.
Кирип жаткан жаңычылдыктарга ичи чыкпагандар АКШ менен Грузиянын аталган документтеринин ортосундагы "айырмачылыктарын" белгилешкен. Океандын ары жагында душманына көз салып туруу, ал эми Тбилисиде өлкөнүн досторун көзөмөлдөө үчүн жасалууда дешкен. Грузия бийлиги мыйзам толугу менен укуктук принциптерге негизделип, тиешелүү ЖМКлар жана өкмөттүк эмес уюмдардын финансысын жыл сайын ачыктоо максатын көздөөрүн айтып келет.
9 Жалган Куран 2023, 16:39
