https://sputnik.kg/20240129/parizh-fermerlerdin-naarazylygynan-ulam-blokadaga-dayardanuuda-1082265946.html
Париж фермерлердин нааразылыгынан улам блокадага даярданууда
Париж фермерлердин нааразылыгынан улам блокадага даярданууда
Sputnik Кыргызстан
Акцияны дүйшөмбү күнү баштап, кеминде беш күнгө созууну пландап жатышат.1 29.01.2024, Sputnik Кыргызстан
2024-01-29T11:16+0600
2024-01-29T11:16+0600
2024-01-29T11:16+0600
дүйнөдө
франция
фермер
айыл чарба
нааразычылык
жол тосуу
талап
трактор
https://sputnik.kg/img/07e8/01/1d/1082262540_636:678:3072:2048_1920x0_80_0_0_11147967310227b1f5b9ccd154c7d438.jpg
БИШКЕК, 29-янв. — Sputnik. Франция өкмөтүнүн саясатына нааразы болгон фермерлер шаарга, ири азык-түлүк базарына алып баруучу негизги автожолдорду бөгөп, Парижди курчап баштаганын жар салышты. Ал эми буга жооп кылган ИИМ 15 миң полиция кызматкерин, сооттолгон техникаларды жана тик учактарды алып келди.РИА Новости Франциянын Айыл чарба кесиптик бирликтеринин улуттук федерациясы (FNSEA) менен Jeunes Agriculteurs профсоюзу борборго товарларды алып киргенге мүмкүн болбогондой кылып Парижди толук курчап алууга ниеттенип жатканын да билдирди.Акцияны дүйшөмбү күнү баштап, кеминде беш күнгө созууну пландап жатышат.Активисттер Парижге кирген сегиз шоссенин баарын тосуп алууга аракет кылышууда. Андан сырткары, калаанын маанилүү делген эки — Руасси-Шарль-де-Голль жана Орли аэропортторунун, Европа масштабындагы азык-түлүк боюнча "Рюнжи" ири базарынын жолдорун да тосуп алуу пландары бар. Буга жооп кылып коргонуу линиясын койгон ИИМ шоссени ээлеп, префектураны калдыктарга толтуруп койгон дыйкандарды кууп таратпай тургандыктарын, себеби алар талаптарын мыйзамдын чегинде билдирип жаткандыгын айткан.Борбордук Иль-де-Франс аймагында 15 миңден ашык полиция кызматкери жүрөт. Француз жандармериясы фермерлер жолун тособуз деп жаткан базарга сооттолгон автоунааларды айдап келген.ИИМ башчысы Жеральд Дарманен "Рюнжи" базарын, аэропортторду, Парижди жана ири шаарларды басып алуу — кызыл чек, андыктан полиция тракторлордун ири шаарларга кирбешине кепил болушу шарт экенин, негизи эле Парижде бир дагы трактор жүрбөшү керектигин айткан. Полиция ок өтпөс машиналарды колдонорун жана тракторлордун кыймылына тик учактан көзөмөл жасаларын билдирген.Анткен менен фермерлердин артка кайтчу түрү жок. Премьер-министр Габриэль Атталь сунуштаган чаралар жетишсиз экенин жана айыл чарбасындагылардын билдирген нааразылыгына жооп бербей турганын айтышкан.Премьерлик кызматта болгону 2,5 аптадан бери иштеп жаткан Атталь жума күнү кечинде фермерлердин кепке келишин, нааразылыкты токтотууну талап кылган билдирүүсү менен чыккан. Өкмөт башчы бийлик айыл чарба багытында колдонулган дизель салыгын кымбаттатпайт деген убадасын берген. Бул — аграрийлердин талаптарынын бири. Ал ЕБ менен Меркосур өлкөлөрүнүн ортосундагы эркин соода кылуу боюнча келишимге Франция каршы экенин эске салган. Фермерлердин пикиринде, бул адилетсиз атаандаштыкка шарт түзөт.Жекшембиде Атталь "дыйкандар билдирген нааразылык боюнча аягына чейин жооп бербегендигин" билдирип, "адилетсиз атаандаштыкка каршы" кошумча чараларды жарыялоого убада кылган. Айрыкча, француз дыйкандарга Франция азык-түлүк импорттогон өлкөлөрдө уруксат берилген бир катар химикаттарды колдонууга тыюу салынгандыгын белгилеген. Айыл чарба министри Марк Фенонун айтымында, жаңы чаралар тууралуу 30-январда маалымат берилет.Францияда акыркы аптада фермерлердин нааразылыгы күчөдү. Алар маанилүү болгон автотрассаларды бөгөп, автокыймылдарды тракторлор, түктөлгөн чөптөр, кык менен менен тосуп салууда. Буга катар айыл чарбанын маанилүүлүгүн таанууну талап кылып, өкмөттүн бул жааттагы саясатын сындашууда. Тагыраагы, дыйкандар айыл чарба азыктарынын сырттан ташылып келишине, сугатта сууну пайдаланууда коюлган чектөөгө, дизелдин баасынын көтөрүлүшүнө жана ошондой эле экологияны коргоо чараларына, өндүрүшкө түшкөн финансылык салмактын оорлошуна нааразы болушууда.
https://sputnik.kg/20240123/ukrainadan-ulam-frantsiya-menen-germaniyada-chataktasha-ketti-1082113697.html
франция
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, франция, фермер, айыл чарба, нааразычылык, жол тосуу, талап, трактор
дүйнөдө, франция, фермер, айыл чарба, нааразычылык, жол тосуу, талап, трактор
Париж фермерлердин нааразылыгынан улам блокадага даярданууда
Акцияны дүйшөмбү күнү баштап, кеминде беш күнгө созууну пландап жатышат.1
БИШКЕК, 29-янв. — Sputnik. Франция өкмөтүнүн саясатына нааразы болгон фермерлер шаарга, ири азык-түлүк базарына алып баруучу негизги автожолдорду бөгөп, Парижди курчап баштаганын жар салышты. Ал эми буга жооп кылган ИИМ 15 миң полиция кызматкерин, сооттолгон техникаларды жана тик учактарды алып келди.
РИА Новости Франциянын Айыл чарба кесиптик бирликтеринин улуттук федерациясы (FNSEA) менен Jeunes Agriculteurs профсоюзу борборго товарларды алып киргенге мүмкүн болбогондой кылып Парижди толук курчап алууга ниеттенип жатканын да билдирди.
Акцияны дүйшөмбү күнү баштап, кеминде беш күнгө созууну пландап жатышат.
Активисттер Парижге кирген сегиз шоссенин баарын тосуп алууга аракет кылышууда. Андан сырткары, калаанын маанилүү делген эки — Руасси-Шарль-де-Голль жана Орли аэропортторунун, Европа масштабындагы азык-түлүк боюнча "Рюнжи" ири базарынын жолдорун да тосуп алуу пландары бар. Буга жооп кылып коргонуу линиясын койгон ИИМ шоссени ээлеп, префектураны калдыктарга толтуруп койгон дыйкандарды кууп таратпай тургандыктарын, себеби алар талаптарын мыйзамдын чегинде билдирип жаткандыгын айткан.
Борбордук Иль-де-Франс аймагында 15 миңден ашык полиция кызматкери жүрөт. Француз жандармериясы фермерлер жолун тособуз деп жаткан базарга сооттолгон автоунааларды айдап келген.
ИИМ башчысы Жеральд Дарманен "Рюнжи" базарын, аэропортторду, Парижди жана ири шаарларды басып алуу — кызыл чек, андыктан полиция тракторлордун ири шаарларга кирбешине кепил болушу шарт экенин, негизи эле Парижде бир дагы трактор жүрбөшү керектигин айткан. Полиция ок өтпөс машиналарды колдонорун жана тракторлордун кыймылына тик учактан көзөмөл жасаларын билдирген.
Анткен менен фермерлердин артка кайтчу түрү жок. Премьер-министр Габриэль Атталь сунуштаган чаралар жетишсиз экенин жана айыл чарбасындагылардын билдирген нааразылыгына жооп бербей турганын айтышкан.
Премьерлик кызматта болгону 2,5 аптадан бери иштеп жаткан Атталь жума күнү кечинде фермерлердин кепке келишин, нааразылыкты токтотууну талап кылган билдирүүсү менен чыккан. Өкмөт башчы бийлик айыл чарба багытында колдонулган дизель салыгын кымбаттатпайт деген убадасын берген. Бул — аграрийлердин талаптарынын бири. Ал ЕБ менен Меркосур өлкөлөрүнүн ортосундагы эркин соода кылуу боюнча келишимге Франция каршы экенин эске салган. Фермерлердин пикиринде, бул адилетсиз атаандаштыкка шарт түзөт.
Жекшембиде Атталь "дыйкандар билдирген нааразылык боюнча аягына чейин жооп бербегендигин" билдирип, "адилетсиз атаандаштыкка каршы" кошумча чараларды жарыялоого убада кылган. Айрыкча, француз дыйкандарга Франция азык-түлүк импорттогон өлкөлөрдө уруксат берилген бир катар химикаттарды колдонууга тыюу салынгандыгын белгилеген. Айыл чарба министри Марк Фенонун айтымында, жаңы чаралар тууралуу 30-январда маалымат берилет.
Францияда акыркы аптада фермерлердин нааразылыгы күчөдү. Алар маанилүү болгон автотрассаларды бөгөп, автокыймылдарды тракторлор, түктөлгөн чөптөр, кык менен менен тосуп салууда. Буга катар айыл чарбанын маанилүүлүгүн таанууну талап кылып, өкмөттүн бул жааттагы саясатын сындашууда. Тагыраагы, дыйкандар айыл чарба азыктарынын сырттан ташылып келишине, сугатта сууну пайдаланууда коюлган чектөөгө, дизелдин баасынын көтөрүлүшүнө жана ошондой эле экологияны коргоо чараларына, өндүрүшкө түшкөн финансылык салмактын оорлошуна нааразы болушууда.
