Майда бензин 1,5-2 сомго кымбатташы болжолдонууда

© AFP 2023 / FRANCK FIFEМай куюучу жайдагы киши. Архив
Май куюучу жайдагы киши. Архив - Sputnik Кыргызстан, 1920, 03.05.2023
Жазылуу
Нефтетрейдерлер ассоциациясы баанын жогорулашына үч себепти атады.
БИШКЕК, 3-май — Sputnik. Үстүбүздөгү жылдын май айында бензин 1,5-2 сомго чейин кымбатташы мүмкүн. Бул тууралуу Нефтетрейдерлер ассоциациясы билдирди.
Маалыматка караганда, Россиянын рыногунда мунай азыгынын бензин тобуна болгон дүң баа жыл башынан бери 35 пайызга жогорулаган.
Кымбаттоого төмөнкү жагдайлар себеп болуп жатканы белгиленди:
ОПЕК+ мамлекеттери май айынан тарта мунайды өндүрүүнү суткасына 1,6 миллион баррелге кыскартуу чечимин кабыл алган;
Батыш мамлекеттеринин Россия мунайынын баасына чектөө койгондуктан сырьёну казып алуу кескин кыскарды. Анын кесепетинен мунай азыктарын өндүрүү азайып, бензиндин баасы өсүүдө;
Жаз айларында Россиянын мунайды кайра иштеткен заводдору пландык профилактикалык оңдоо иштерин баштагандыктан рынокто мунай азыгы азая түшөт.
Ал эми дизель майына болгон баа жыл башынан бери эле жогорку деңгээлде сакталып турат. Буга Россия майды Кытай, Индия, Монголия сыяктуу өлкөлөргө дагы экспорттоп жатканы себеп.
Бензин, май сатуучу жай. Архивдик сүрөт - Sputnik Кыргызстан, 1920, 22.04.2023
Кыргызстанда социалдык маанидеги товарлардын тизмеси кайрадан каралат
Жаңылыктар түрмөгү
0