Миллиондогон адамдар чыккан митинг, полиция менен кагылыш. Франциядагы видео

© Sputnik / Евгений Полойко / Медиабанкка өтүүМиллиондогон адамдар чыккан митинг, полиция менен кагылыш
Миллиондогон адамдар чыккан митинг, полиция менен кагылыш - Sputnik Кыргызстан, 1920, 02.05.2023
Жазылуу
Дүйшөмбү күнү Францияда эл жапырт чыккан 1-май демонстрациялары өттү. Парижде жүрүшкө чыккандар аялдабай эле тартип сакчылары менен кагылышты. Полиция көздөн жаш агызган газ колдонуп, андан соң суу менен аткылаган.
БИШКЕК, 2-май — Sputnik. Франциянын жалпы аймагынан 300гө чукул манифестант кармалгандыгын аталган өлкөнүн ИИМ жетекчиси Жеральд Дарманен билдирген. Бул туурасында РИА Новости жазды.
"Учурда жалпы Франция боюнча 291 киши кармалса, алардын ичине 90у Парижден болду. Бул сандардын өсөрү турган иш. Полиция кызматкерлерине мыйзамсыз аракеттерди кылгандарга катаал санкциялардын колдонулушу күтүлүп жаткандыгын айта кетейин", — деген Дарманен BFMTV эфиринде.
Буга чейин аталган мамлекеттин ИИМи 1-майдагы башаламандыкта полициянын 108 кызматкери менен жандарм жаракат алганын билдирген.
Францияда дүйшөмбү күнү 1-май демонстрациялары өткөн. РИА Новости кабарчысы Парижде аталган иш-чара башталары менен black bloc радикалдары жана тартип сактоочулар бир топ эле катуу кагылышканын маалымдады. Полиция көздөн алгач жаш агызган газ колдонуп, андан соң суу менен аткылаган.
Радикалдар тартип сакчыларына петарда, боек куюлган шариктерди, бөтөлкөлөрдү ыргытып, банктардын, башка ар кыл ишканалардын текчелерин талкалап, сындырышкан.
Франциянын кесиптер бирлиги боюнча ири "Жалпы эмгек конфедерациясы" (CGT) уюму жалпы өлкө боюнча манифестацияга 2,3 миллион адам катышкандыгын, алардын ичинен 550 миңи Парижде чыкканын айтышты. Ал эми ИИМ жалпы 700 миң киши чыкса, алардын 112 миңи Парижден экенин билдирди.
Франциянын Конституциялык кеңеши 14-апрелде 2030-жылга чейин пенсия курагын акырындап 62ден 64кө көтөрүү боюнча мыйзам долбоорун жактырган. Мамлекет башчы Эммануэль Макрон ошол эле күнү жаңы мыйзамга кол коюп, расмий журналга жарыяланган.
Пенсия реформасы бүткүл Франция боюнча нааразычылыктын толкунун жаратып, өлкө боюнча миллиондон ашык адам митингге чыккан. Демонстранттар менен полиция кагылышкан учурлар улам кайталанууда. Мындай кырдаалдан кийин полиция митингчилерди кармап баштады.
Канн фестивалындыгы актриса. Архив - Sputnik Кыргызстан, 1920, 23.04.2023
Франция: кесиптер бирлиги Канн фестивалын жарыксыз калтырарын айтты
Жаңылыктар түрмөгү
0