Радиостудия Sputnik Кыргызстан в Бишкеке - Sputnik Кыргызстан, 1920
Радио

Ташиев: кыргызстандыктар азырынча кооперативдерден үй албай турганы оң

© Sputnik / Табылды КадырбековЮрист Рустам Ташиев
Юрист Рустам Ташиев  - Sputnik Кыргызстан, 1920, 19.01.2023
Жазылуу
Юрист Рустам Ташиев өлкөдөгү турак жай кооперативдеринин дээрлик бардыгы пирамида бизнесинин системасы менен иштеп жаткандыгын айтты.
Юстиция министрлигинин маалыматына таянсак, 2021-жылдын жыйынтыгы менен 158 турак жай кооперативи каттоодон өткөн. Кыргызстанда аталган тармак 2017-жылдан тарта кенен жайылып келе жатканын эске алсак, кыска убакытта мынча көп кооперативдин ачылышынын өзү күмөн жаратат. Мындай пикирин Рустам Ташиев Sputnik Кыргызстан радиосуна маек куруп жатып билдирди.
Ташиев: кыргызстандыктар азырынча кооперативдерден үй албай турганы оң
Анын айтымында, каттоодон өткөн турак жай кооперативдеринин 30дан ашууну активдүү иш алып барат.
"Турак жай кооперативи түшүнүгү кечээ эле пайда боло калган жок, бирок эгемен Кыргызстанга келгенине аз гана убакыт болду. Учурда каттоодон өтүп иштеп жаткан кооперативдердин иши көзөмөлдөнбөйт. Анткени мыйзамда бул элдик бирикме болгондуктан мамлекеттик органдар тарабынан көзөмөлгө алынбайт деп жазылган. Мына ушундан пайдаланып, турак жай кооперативдеринин түзүүчүлөрү пирамида системасы менен иш алып барып жатышат. Анда алгач төрт адам келсе, алар ар бири дагы төрттөн киши чакырышы керек, 16 адам дагы артынан кишилерди ээрчитип келүүгө милдеттендирилет же кызыктыруучу механизмдери болот. Айтор, мындай жол менен үйлүү болууга мүмкүн эмес экенин, бул жерде ачык эле шылуундук жүрүп жатканын эл түшүнүшү керек. Андыктан азыркы убакта, турак жай кооперативдери мына ушундай мыйзамсыз аракеттер менен иштеп жаткан кезде мен кыргызстандыктарды бул тармакка такыр эле баш бакпоого чакырам", — деди Ташиев.
Ал турак жай кооперативдерине алданып калган жарандардын акчасын кайтаруу процесси да жеңил эместигин кошумчалады.
Жаңылыктар түрмөгү
0