https://sputnik.kg/20221227/batysh-rossiyanyn-neft-boyuncha-berch-zhoobunan-chochulap-turat-1071513495.html
ЖМК: Батыш Россиянын нефть боюнча берчү жообунан чочулап турат
ЖМК: Батыш Россиянын нефть боюнча берчү жообунан чочулап турат
Sputnik Кыргызстан
Нефтинин кымбаттоосуна АКШдагы кара алтындын запасы азайып, резервди толтуруу үчүн нефть сатып алына баштаганы тууралуу маалыматтардын жарыяланышы да себеп... 27.12.2022, Sputnik Кыргызстан
2022-12-27T12:09+0600
2022-12-27T12:09+0600
2022-12-27T12:11+0600
дүйнөдө
россия
батыш
нефть
рынок
баа
чара
санкциялар
https://sputnik.kg/img/07e6/0c/1b/1071513606_617:352:2555:1442_1920x0_80_0_0_a0f394192ae54ef4dd25eedf0d88aac7.jpg
БИШКЕК, 27-дек. — Sputnik. Дүйнөлүк рынокто Батыштын нефть баасын чектегенине жооп берчү Россиянын кадамдарынан улам тынчсыздануу бар. Бул тууралуу франциялык Les Echos гезити жазганын РИА Новости кабарлады.Басылманын айтымында, кооптуулукка Россиянын нефть өндүрүүнүн көлөмүн кыскартууга даярдыгы негиз болууда, себеби өндүрүштүн болор-болбос үзгүлтүккө учурашы эле ансыз да олку-солку болуп турган рыноктогу кырдаалды курчутуп жиберет.Акыркы жумаларда нефть баасы жыл ичиндеги эң төмөн көрсөткүчкө жеткен, бирок рынокто сунуш азайып, "антиковиддик" саясатын жумшарткан Кытайда суроо-талаптын күчөшү менен кайра наркы жогорулаганына бир нече күн болду.Нефтинин кымбаттоосуна АКШдагы кара алтындын запасы азайып, резервди толтуруу үчүн нефть сатып алына баштаганы тууралуу маалыматтардын жарыяланышы да себеп болгон.Эскерте кетсек, 5-декабрдан тарта Батыштын Россияга карата нефть санкциясы күчүнө кирген. Евробиримдик деңиз менен ташылган россиялык мунайды кабыл алуусун токтотту. Ал эми "Чоң жетилик" өлкөлөрү, Австралия жана ЕБ деңиз аркылуу келген нефтинин бир баррелине 60 доллар өлчөмүндө бааны бекитип берген, андан кымбатын ташып камсыздандырууга тыюу салынат.Россия президенти Владимир Путин Батыштын чечимине комментарий берип жатып Москва чектөөлөрдү колдоого алган мамлекеттерге нефть сатпай турганын билдирген. Мындан тышкары, жакын арада жооп чаралары тууралуу жарлык чыгары белгилүү болду. Өткөн жума күнү вице-премьер Александр Новак Россия нефть баасынын чектелишинен улам келишимдерде Батыштын шартын аткарууну талап кылган мамлекеттерге жана юридикалык жактарга мунай сатууга тыюу саларын белгиледи. Анын айтымында, Россия керек болсо өндүрүштүн көлөмүн азайтууга да даяр, кийинки жылдын башында көрсөткүч 5-7 пайызды түзүшү мүмкүн.
https://sputnik.kg/20221226/medvedev-batysh-alyanstary-kulayt-1071487058.html
батыш
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, батыш, нефть, рынок, баа, чара, санкциялар
дүйнөдө, россия, батыш, нефть, рынок, баа, чара, санкциялар
ЖМК: Батыш Россиянын нефть боюнча берчү жообунан чочулап турат
12:09 27.12.2022 (Жаңыртылды: 12:11 27.12.2022) Нефтинин кымбаттоосуна АКШдагы кара алтындын запасы азайып, резервди толтуруу үчүн нефть сатып алына баштаганы тууралуу маалыматтардын жарыяланышы да себеп болгон.
БИШКЕК, 27-дек. — Sputnik. Дүйнөлүк рынокто Батыштын нефть баасын чектегенине жооп берчү Россиянын кадамдарынан улам тынчсыздануу бар. Бул тууралуу франциялык Les Echos гезити жазганын
РИА Новости кабарлады.
Басылманын айтымында, кооптуулукка Россиянын нефть өндүрүүнүн көлөмүн кыскартууга даярдыгы негиз болууда, себеби өндүрүштүн болор-болбос үзгүлтүккө учурашы эле ансыз да олку-солку болуп турган рыноктогу кырдаалды курчутуп жиберет.
Акыркы жумаларда нефть баасы жыл ичиндеги эң төмөн көрсөткүчкө жеткен, бирок рынокто сунуш азайып, "антиковиддик" саясатын жумшарткан Кытайда суроо-талаптын күчөшү менен кайра наркы жогорулаганына бир нече күн болду.
Нефтинин кымбаттоосуна АКШдагы кара алтындын запасы азайып, резервди толтуруу үчүн нефть сатып алына баштаганы тууралуу маалыматтардын жарыяланышы да себеп болгон.
Эскерте кетсек, 5-декабрдан тарта Батыштын Россияга карата нефть санкциясы күчүнө кирген. Евробиримдик деңиз менен ташылган россиялык мунайды кабыл алуусун токтотту. Ал эми "Чоң жетилик" өлкөлөрү, Австралия жана ЕБ деңиз аркылуу келген нефтинин бир баррелине 60 доллар өлчөмүндө бааны бекитип берген, андан кымбатын ташып камсыздандырууга тыюу салынат.
Россия президенти Владимир Путин Батыштын чечимине комментарий берип жатып Москва чектөөлөрдү колдоого алган мамлекеттерге нефть сатпай турганын билдирген. Мындан тышкары, жакын арада жооп чаралары тууралуу жарлык чыгары белгилүү болду. Өткөн жума күнү вице-премьер Александр Новак Россия нефть баасынын чектелишинен улам келишимдерде Батыштын шартын аткарууну талап кылган мамлекеттерге жана юридикалык жактарга мунай сатууга тыюу саларын белгиледи. Анын айтымында, Россия керек болсо өндүрүштүн көлөмүн азайтууга да даяр, кийинки жылдын башында көрсөткүч 5-7 пайызды түзүшү мүмкүн.
26 Бештин айы 2022, 12:17
