"Бышырып жегиле", "эмне, кекиликсизби?". ЖКда мушташа жаздаган депутаттар. Видео

Жазылуу
Жогорку Кеңеште депутаттар Фархад Исмаилов менен Өмүрбек Бакиров мушташып кете жаздады.
Алгач Бакиров УКМК төрагасы Камчыбек Ташиевден Керкиден суу сактагычы боюнча мурда ким туура эмес чечимдер кабыл алганы тууралуу сураган.
Анда төрага тактай электигин, бул боюнча арыз жазып кайрылышын талап кылды.
Бакиров оозеки түрдө айтып келгенин билдирсе, “сиз кимсиз, ар бир айтканыңызды бизде аткаргыгыздай” деп кекетти.
Ал депутат экенин эске салды.
“Сиздин кандай депутат экениңизди, кантип шайланганыңызды дагы билем. Жакында көрөсүз”, — деди Ташиев.
Бакиров бул жерде азыр жер, суу жөнүндө сөз болуп жаткандыктан бири-бирин сыйлоого чакырды.
“Колуңардан келсе, мени бышырып жегиле. Өзүм жөнүндө сүйлөгөн жокмун. Мени 11 500 адам шайлаган, кандай шайланганымды элдин баары билет”, — деди Бакиров.
Ага жооп берген Ташиев “сиз эмне, бышырып жегидей кекиликсизби?” деп какшыктады.
Ошол учурда Фархад Исмаилов Ташиевге болушту эле, эки депутат мушташып кете жаздады. Алардын сөгүнгөн сөздөрү да угулуп жатты.
Тема боюнча:
Ташиев Мадумаровго: колуңузду түшүрүп сүйлөңүз, эмне кыларымды билесиз. Видео
Жаңылыктар түрмөгү
0