180 киши өлдү. Индонезиядагы каргашанын күбөсү окуя кандай болгонун айтып берди

© AFP / STRИндонезияда Маланг стадионундагы башаламандык
Индонезияда Маланг стадионундагы башаламандык - Sputnik Кыргызстан, 1920, 03.10.2022
Жазылуу
Күбө көрүүчүлөр полиция газ чыгарганда айласын таппай дүрбөлөңгө түшкөнүн айтты.
БИШКЕК, 3-окт. — Sputnik. Индонезияда Маланг стадионундагы башаламандыкта калган күбөлөрдүн бири дээрлик 180 адамдын өмүрүн алган окуя кандай башталганын New York Times басылмасына айтып берген.
"Утулуп калган тараптын ызаланган фанаттары талаага чыгып оюнчуларга кыйкырып, ызы-чуу ошондон башталды. Андан кийин стадионго полиция келип көздөн жаш чыгара турчу газ колдонду", — деген Жошуа.
Ал укук коргоо органдары газ колдонбосо, көз жумгандар мынчалык көп болбойт эле деген пикирин билдирди. Жошуанын айтымында, полиция бир сааттын ичинде граната да ыргыткан.
"Эл стадиондон чыга албай дүрбөлөңгө түшө баштады. Ошол себептен алар газонго барып, аман калуу аракетин көрүшкөн...", — деген күбө.
Ал көз жумгандардын басымдуу бөлүгү трибунадагы көрүүчүлөр деп эсептейт.
"Көзүмдү жумсам эле жардам сурагандардын үнү угулуп, жаңырып жатат. Мындан кийин футболго күйөрман болгум келбей калды. Индонезиялык бир дагы команданын оюнун көрбөйм. Биздин өлкөдө футбол жоюлат деп үмүттөнөм", — деген ал.
Эске салсак, 2-октябрь жекшемби күнү Индонезияда "Арема" жана "Персебая" (2:3) футбол командаларынын оюнунан кийин стадиондо башаламандык болуп кеткен.
Мелдештен утулуп калган команданын күйөрмандары оюн талаасына чыгып кетип, андан кийин экинчи тайпанын тарапташтары менен мушташкан. Тартип сактоо кызматкерлери аларды тынчтандыруу үчүн көздөн жаш агызуучу газ колдонгон. Мындан улам элдин дем алуусу кыйындап, башаламандык ого бетер курчуган.
Ооруканага 100дөн ашык киши жеткирилген, анын 11и оор абалда. Буга чейин 180ге чукул адам көз жумганы айтылган.
Эл аралык футбол федерациясы (FIFA) каргаша тууралуу отчёт талап кылган. Индонезиянын президенти Жоко Видодо көз жумгандардын үй-бүлөсүнө терең кайгыруу менен көңүл айтты. Ал окуяны тыкыр иликтөөнү тапшырып, иш бүткүчө өлкө чемпионатын токтоткон.
Ызы-чуу менен коштолгон UFC 279 турнириндеги урунттуу учурлар. Видео - Sputnik Кыргызстан, 1920, 11.09.2022
Ызы-чуу менен коштолгон UFC 279 турнириндеги урунттуу учурлар. Видео
Жаңылыктар түрмөгү
0