Үйдө дайыма кайсы дары-дармек болушу керек? Дарыгердин тизмеси

© Фото / Pexels / Tima MiroshnichenkoДары-дармек. Иллюстративдик сүрөт
Дары-дармек. Иллюстративдик сүрөт - Sputnik Кыргызстан, 1920, 26.09.2022
Жазылуу
Медик аптечканы маал-маалы менен текшерип, колдонуу мөөнөтү өтүп кеткен дарыларды ыргытып туруу керектигин эскертти. Жаны кыйналып жатканда же шашылыш учурда адам эскирген дарыны ичип алышы толук мүмкүн.
БИШКЕК, 26-сен. — Sputnik. Гастроэнтеролог жана терапевт Шота Каландия үйдөгү дары салган кутуда кандай препараттар сөзсүз болушу керектигин тизмектеп берди. Бул тууралуу "Прайм" агенттиги жазды.
Адистин айтымында, аптечкада дайыма турчу дарылар үй-бүлө мүчөлөрүнүн ден соолугуна жараша тандалышы керек. Мисалы, ашказан, ичеги-карынында көйгөйү бар адамдар сорбенттерди (тамак сиңирүүчү каражаттар) жана антациддерди (ашказандагы кычкылды басаңдатуучу) алып коюшу керек.
Ошондой эле антигистаминдер (аллергияга каршы жана уйкуну жөнгө салуучу) болгону жакшы. Ал эми тынчы жок, кыймылы көп балдар бар үйдө суутектин перекиси, хлоргексидин, антибактериялык майлар турса ашыкча болбойт.
Мындан тышкары, ар бир үйдө дене табын жөнгө салып турган парацетамол жана ибупрофен сыяктуу препараттар болушу шарт.
Сөзүнүн соңунда дарыгер аптечканы маал-маалы менен текшерип, колдонуу мөөнөтү өтүп кеткен дарыларды ыргытып туруу керектигин эскертти. Жаны кыйналып жатканда же шашылыш учурда адам эскирген дарыны ичип алышы толук мүмкүн.
Аялдын дем алуусу кыйын. Иллюстративдик сүрөт - Sputnik Кыргызстан, 1920, 24.09.2022
Кышкысын бөлмөдөгү кургак аба кандай ооруларды пайда кылары айтылды
Жаңылыктар түрмөгү
0