Тажик аскерлери БТРде машыгуу учурунда. Архив - Sputnik Кыргызстан, 1920, 16.09.2022
Чек арадагы жаңжал. Кыргызстан менен Тажикстандын тиреши
2022-жылдын 16-сентябрында тажик тарап Кыргызстанды көздөй алты жерден ок ата баштаган, чек арада абал курч бойдон калууда.

Баткенге жөнөтүлгөн гумжардамды бөлүштүрүү боюнча жумушчу топ түзүлдү

© Sputnik / Игорь Егоров / Медиабанкка өтүүБоз-Адыр айылындагы качкындар үчүн гуманитардык жардам түшүрүү учурунда
Боз-Адыр айылындагы качкындар үчүн гуманитардык жардам түшүрүү учурунда - Sputnik Кыргызстан, 1920, 21.09.2022
Жазылуу
НовостиTelegram
Соңку маалыматтар боюнча, Баткен облусуна 1 053 тонна гуманитардык жардам жеткирилди.
БИШКЕК, 21-сен. — Sputnik. Тажикстандын Кыргызстанга кол салуусунан улам Баткендеги чек арада чыккан кагылыштан жабыркагандарга жөнөтүлгөн гуманитардык жардамды кабыл алып, бөлүштүрүү боюнча жумушчу топ түзүлдү. Бул тууралуу президенттин Баткен облусундагы ыйгарым укуктуу өкүлүнүн орун басары Жаныбек Исаков билдирди.
Анын айтымында, жумушчу топтун курамына жергиликтүү өз алдынча башкаруу органдарынын өкүлдөрү, активисттер жана ыктыярчылар кирген.
Гумжардам төмөнкү алгоритм боюнча бөлүштүрүлөт:
ӨКМдин өкүлдөрү келип түшкөн жүктөрдү арыздын негизинде жергиликтүү өз алдынча башкаруу органдарына берет;
Жергиликтүү өз алдынча башкаруу органдарынын жумушчу топтору (акимдер, мэрлер) гуманитардык жардамды айыл өкмөттөрүнүн өкүлдөрүнө өткөрөт;
Соңунда айыл өкмөттө түзүлгөн жумушчу топ жергиликтүү элге тамак-аш жана эң керектүү буюмдарды бөлүштүрөт.
"Гуманитардык жардам бөлүштүрүлгөндөн кийин ар бир жумушчу топ ал кайсы айылга, канчасында берилгенин, которулган жардамдын көлөмү жана канчасы калганын жазып, протокол түзөт", — деп айтылат маалыматта.
Соңку маалыматтар боюнча, Баткен облусуна 1 053 тонна гуманитардык жардам жеткирилди.
Паспорттор. Архив - Sputnik Кыргызстан, 1920, 21.09.2022
Чек арадагы жаңжал. Кыргызстан менен Тажикстандын тиреши
Чек арадагы жаңжалда жоголгон документтер акысыз калыбына келтирилет
Жаңылыктар түрмөгү
0