Депутаттар мугалимди мазактаган окуучуга айып салуу мыйзамын артка кайтарды

© Sputnik / Табылды КадырбековСабак өтүп жаткан мугалим. Архив
Сабак өтүп жаткан мугалим. Архив - Sputnik Кыргызстан, 1920, 15.09.2022
Жазылуу
Эл өкүлдөрү бул мыйзам окуучу менен мугалимдин ортосунда ажырым жаратарын айтышты.
БИШКЕК, 15-сен. — Sputnik. Парламентте мугалимдерди мазактаган окуучулардын ата-энелерине айып салуу мыйзам долбоору артка кайтарылды.
Аталган демилге бүгүн экинчи окууда каралган. Депутаттардын көпчүлүгү буга каршы чыгып, "бала менен мугалимдин ортосунда ажырым пайда болот" деген пикирин билдиришти. Акчасы бар ата-энелер айып пулду төлөй алса, жакыр жашагандар басынып калышы мүмкүндүгүн белгилешти.
Ички иштер министринин орун басары Нурбек Абдиев айып салуу сот аркылуу чечилип, эгер төлөбөй койсо, сот аткаруучулар өндүрөрүн айтты.
"Эмнеге биз балдардын тарбиясын акчага байлашыбыз керек. Мындан башка толгон-токой айып пулдар бар, ошол жетет го дейм. Баары бүтүп балдарды акчага байлайбызбы. Мугалим менен окуучу билим менен алектенеби же сотко каттап жүрүшөбү", — деди депутат Жамгырчиев.
Долбоорду демилгелеген Мирлан Самыйкожо үчүнчү окууда айып пулду алып салып, аты-эненин жоопкерчилигин күчөтүүнү кароого макул болду. Андыктан бүгүн колдоп берүүнү суранды. Бирок депутаттар экинчи окуудан өткөрбөй, кайра оңдоп-түзөө үчүн документти артка кайтарууну чечишти.
Буга Самыйкожо "кечээ казино ачууну колдоп, бүгүн мугалимдердин статусун көтөрүү мыйзамын артка кайтарган депутаттарга жол болсун" деп нааразы болду.
ЖК депутаты Эльвира Сурабалдиева. Архив - Sputnik Кыргызстан, 1920, 15.09.2022
Мага лекция окубай эле коюңуз! Сурабалдиева менен Самыйкожо айтыша кеткен видео
Жаңылыктар түрмөгү
0