Радиостудия Sputnik Кыргызстан в Бишкеке - Sputnik Кыргызстан, 1920
Радио

Рыскулова: карындашын коргоп ок чыгарган жаран киши өлтүрдү деп соттолууда

© Sputnik / Асель Сыдыкова"Сезим" кризистик борборунун жетекчиси Бүбүсара Рыскулова
Сезим кризистик борборунун жетекчиси Бүбүсара Рыскулова - Sputnik Кыргызстан, 1920, 08.09.2022
Жазылуу
НовостиTelegram
"Сезим" кризистик борборунун жетекчиси Бүбүсара Рыскулова коомдо резонанс жараткан кылмыштардын чуусу басаңдап калган соң көбү адилетсиз тергөөгө дуушар болорун айтты.
Учурда "Сезим" кризистик борборунда зордук-зомбулуктун олуттуу түрүнө кабылган 19 иш сотто каралып жатат. Алардын тогузу жашы жете элек өспүрүмдөргө карата жасалган кылмыштар. Бул тууралуу Бүбүсара Рыскулова Sputnik Кыргызстан радиосуна маек куруп жатып билдирди.
Рыскулова: карындашын коргоп ок чыгарган жаран киши өлтүрдү деп соттолууда
Анын айтымында, коомчулукта резонанс жараткан кылмыштар деле адилетсиз тергөөгө, чечимдерге туш болушат.
"Элдин эсинде болсок керек, мындан эки ай убакыт мурда Токмок жакта жумушуна бараткан кыз унаа тоскондо айдоочусу зомбулук көрсөтүүгө аракет кылган учур катталган. Анда айдоочу кыздын агасынын колунан жан берген эле. Карындашын коргойм деп ок чыгарып алган агасы азыркы учурда камакта отурат. Бирок окуя элдин эсинен чыга түшкөнгө ал адамга "Адам өлтүрүү" беренеси менен гана кылмыш козголуп, ал "өлтүрүүнүн" келип чыккан себеби эске алынбай жатат. Ооба, бул жерде киши өмүрү кыйылды, ошентсе да адилеттүүлүк деген болуш керек да. Мындан сырткары, 72 жашында зордукталган аялдын окуясы бар. Зордук көрсөткөн эркек төрт баласы болгондуктан камалбай, ушул күнгө чейин соту уланып келе жатат. Азыркы учурда айыпталуучу такыр эле кылмыштан баш тартып, ал 78 жаштагы байбичени калпычыга чыгаруу далалатын көрүп жүрөт. Тилекке каршы, коомчулукта резонанс жараткан окуялар деле минтип укук коргоочулар тарабынан адилеттүүлүккө жетпей калышат", — деди Рыскулова.
Ал "Сезим" кризистик борборунда сексуалдык зордук көрүп кайрылгандардын эң кичүүсү беш жаштагы наристе болсо, эң улуусу 78 жаштагы байбиче экенин кошумчалады.
Жаңылыктар түрмөгү
0