Подмосковьеде философ Александр Дугиндин кызы автоунаасы жарылып каза тапты

© Фото / Следком/TelegramПодмосковьеде автоунаа жарылган жердеги полиция кызматкерлери
Подмосковьеде автоунаа жарылган жердеги полиция кызматкерлери - Sputnik Кыргызстан, 1920, 21.08.2022
Жазылуу
Донецк Эл Республикасынын башчысы Денис Пушилин аталган кылмышка украиналык террорчуларды айыптады.
БИШКЕК, 21-авг. — Sputnik. Подмосковьеде автоунаа жарылып, кырсыктан философ Александр Дугиндин кызы Дарья Дугина каза тапты. Бул тууралуу РИА Новости кабарлады.
Алгач Москва облусунун Одинцово районундагы Можайское шоссесинде жеңил автоунаа күйүп кеткени кабарланып, окуя болгон жерге ыкчам кызматтын адистери барган.
РИА Новости кабарлагандай, журналист жана саясат таануучу Дарья Дугинанын автоунаасы жарылган соң Тергөө комитети кылмыш ишин козгогон. Кылмыш-жаза кодексинин 105-беренесинин 2-бөлүгү боюнча козголгон ишти тергөөнү Москва облустук прокуратурасы өз көзөмүлүнө алган.
Тергөөчүлөрдүн маалыматы боюнча, 20-августта саат 21:00 чамасында Одинцово районунун Большие Вязёмы поселогуна жакын жерде Toyota Land Cruiser үлгүсүндөгү автоунаага коюлган жардыруучу заттан улам жолтандабас күйүп кеткен.
"Автоунааны айдап бара жаткан кыз кырсыктан көз жумган. Ал — журналист жана саясат таануучу Дарья Дугина болуп чыкты", — деп айтылат тергөөнүн маалыматында.
Окуя болгон жерде тийиштүү адистер иштеп жатканы айтылды.
Донецк Эл Республикасынын башчысы Денис Пушилин аталган кылмышка украиналык террорчуларды айыптады. Ошондой эле ал чындыгында философ Александр Дугинге кол салуу аракети даярдалып жатканын божомолдоду.
Александр Дугин — белгилүү философ, саясат таанучу, публицист. Март айынан бери ал Украина окуяларына байланыштуу АКШнын санкциялык тизмесинде. Ушундай эле санкцияны ага каршы Канада менен Австралия да киргизген.
Ал эми Дарья Дугина анын кызы. Москва мамлекеттик университетинин философия факультетин аяктап, Эл аралык Евразия кыймылында саясий байкоочу болуп иштеген.
Энергодардагы Запорожье АЭСтин территориясында Россия аскер кызматчысы. Архив - Sputnik Кыргызстан, 1920, 15.08.2022
Россиянын Донбассты коргоо боюнча атайын операциясы
Раданын экс-депутаты: Киев Запорожье АЭСин жардырууну пландап жатат
Жаңылыктар түрмөгү
0