Күн дагы ысыйбы? Дем алышка карата аба ырайы

© Sputnik / Владимир Песня / Фотобанкка өтүүКөчөдө бараткан аял. Архив
Көчөдө бараткан аял. Архив - Sputnik Кыргызстан, 1920, 30.06.2022
Жазылуу
Yandex newsTelegram
Синоптиктердин божомолуна караганда, ишемби, жекшембиде негизинен күн ачык болот. Анткен менен 2-июлда Ысык-Көлдө өткүн өтөт.
БИШКЕК, 30-июн. — Sputnik. Кыргызгидромет апта этегиндеги эки күнгө карата аба ырайынын божомолу тууралуу маалымат берди.
Билдирмеге караганда, батыштан соккон шамалдын ылдамдыгы айрым аймактарда 1, 4 жана 5-июль күндөрү 15-20 метрге жетиши мүмкүн.

Чүй, Талас облустары

2-3-июлда эки облустун тең көпчүлүк аймактарында жаан-чачын күтүлбөйт. Абанын температурасы Чүйдө дагы, Таласта дагы эң ысык болгондо 31…36 градуска жетет.

Ош, Жалал-Абад, Баткен облустары

Дем алыш күндөрү өлкөнүн түштүк аймагында күн ачык болот. Абанын температурасы үч облуста тең күндүз 36…38 градуска жетет. Батыштан соккон шамалдын ылдамдыгы секундасына 4-9 метрден, 30-июнда күндүз, 1 жана 4-июлда кээ бир райондордо 15-20 метрге жетиши күтүлүүдө.

Нарын облусу

Облус аймагында 2-3-июлда күн ачык болот. Күндүз +29...+31 градуска чейин жетет.

Ысык-Көл облусу

2-июлда түнкүсүн жаан-чачын болбойт. Күндүз кээ бир райондордо, өткүн өтүп, күн күркүрөйт. Бийик тоолуу райондордо кар жаашы мүмкүн. 3-июлда түнкүсүн жаан жаабайт. Күндүз 26…31 градуска чейин ысыйт.
Ала-Тоо аянтындагы фонтандар. Архив - Sputnik Кыргызстан, 1920, 26.06.2022
Күндүн табы мээ кайнатабы? Бир жумага карата аба ырайы
Жаңылыктар түрмөгү
0