Чекиров: алты жылда кырсыкка кабылган 681 жаранга 57,5 млн. сом көмөк акча берилди
© Sputnik / Табылды КадырбековМамлекеттик камсыздандыруу уюмунун уюштуруу иштери жана коомчулук менен байланыш бөлүмүнүн жетекчиси Нурсултан Чекиров
![Мамлекеттик камсыздандыруу уюмунун уюштуруу иштери жана коомчулук менен байланыш бөлүмүнүн жетекчиси Нурсултан Чекиров Мамлекеттик камсыздандыруу уюмунун уюштуруу иштери жана коомчулук менен байланыш бөлүмүнүн жетекчиси Нурсултан Чекиров - Sputnik Кыргызстан, 1920, 27.06.2022](https://sputnik.kg/img/07e6/06/1b/1065598222_0:0:3072:1728_1920x0_80_0_0_8e37d2a9bec160c7fc253a25e88b3bef.jpg)
Жазылуу
Мамлекеттик камсыздандыруу уюмунун уюштуруу иштери жана коомчулук менен байланыш бөлүмүнүн жетекчиси Нурсултан Чекиров аталган уюм өткөн жылда 25,5 миллион сом пайда тапканын маалымдады.
Мамлекеттик камсыздандыруу уюмунун уставдык капиталы 370 миллион, ал эми активдери 417 миллион сомго жетти. Бул тууралуу Нурсултан Чекиров Sputnik Кыргызстан радиосуна маек куруп жатып билдирди.
Чекиров: алты жылда кырсыкка кабылган 681 жаранга 57,5 млн. сом көмөк акча берилди
Анын айтымында, 2016-жылы Мамлекеттик камсыздандыруу уюму түзүлүп, түшүндүрүү иштери колго алынган.
"Мамлекеттик камсыздандыруу уюмунун уставдык капиталынын көбөйүшү мүмкүнчүлүктөрдү кеңейтет. Анткени Кыргызстан тоолуу аймак болгондуктан ар кандай кырсыктар көп катталат. Өнүккөн өлкөлөрдө бардык мүлкүн, ден соолугунан бери камсыздандырат. Ал эми Кыргызстанда союз тарагандан кийин камсыздандыруу маданияты жок болуп кеткен. Учурда жарандар турак жайларын камсыздандырып, кырсыктан жабыр тарткан учурда ыкчам жана даректүү көмөк алып келишүүдө. Алсак, соңку алты жылда 681 жаранга 57,5 миллион сом көмөк катары берилген. Жылдан-жылга камсыздандырууга кызыккандардын саны өсүп жатат. Учурда турак жайды, жүргүнчүлөрдү, жумушчуларды, кооптуу жүктөрдү камсыздандыруу милдеттүү деп каралган. Булардын тарифтери өкмөттүн токтому менен бекитилип, өзгөртүлбөйт. Ал эми камсыздандыруунун калган түрлөрү ыктыярдуу болуп саналат", — деди Чекиров.
Ошондой эле ал бул тизмеге мал-жандыкты жана үрөндү киргизүү мерчемделип жатканын кошумчалады.