Саламаттык сактоо министринин кеңешчиси Мээрим Тилекова үй камагына алынды

© Фото / пресс-служба ГКНБ КРСаламаттык сактоо министри Алымкадыр Бейшеналиевдин кеңешчиси Мээрим Тилекова
Саламаттык сактоо министри Алымкадыр Бейшеналиевдин кеңешчиси Мээрим Тилекова - Sputnik Кыргызстан, 1920, 20.05.2022
Жазылуу
Yandex newsTelegram
Сот кармалган кеңешчинин жашы жете элек балдары бар экенин негиз кылып чечим чыгарган.
БИШКЕК, 20-май — Sputnik. Саламаттык сактоо министри Алымкадыр Бейшеналиевдин кеңешчиси Мээрим Тилекова бир айлык мөөнөткө үй камагына алынды. Бул тууралуу Ысык-Көл облустук сотунан билдирди.
Маалыматка ылайык, судья Тилекованын ким экени аныкталып, туруктуу жашаган жери болгонун, ошондой эле колунда жашы жете элек балдары бар экенин негиз кылып үй камагына алуу бөгөт чарасын тандаган. Мындай чечимди Каракол шаардык соту 19-май күнү кабыл алган.
Тилекова опузалап пара алуу беренеси менен айыпталууда. Аны УКМКнын кызматкерлери 17-майда Бишкектен кармап, Караколго алып кеткендиги айтылган.
Тилекова андан мурдараак Саламаттык сактоо министрлигинин Ысык-Көл облусундагы координатору менен кошо кармалган. Атайын кызмат алар 100,5 миң сом пара алды деп шек санап жатат.
Бирок министр Алымкадыр Бейшеналиев кеңешчиге кызматкерлер күч колдонобуз деп коркуткандыктан УКМКнын Ысык-Көл облусу боюнча жетекчилиги менен сүйлөшүп чыгарып, ата-энесине жеткирип бергенин билдирген. Министр акча медайымдар күнүн майрамдоого арналган иш-чарага чогултулганын айтып, кеңешчиге жалаа жабылууда деп эсептейт.
Министр Бейшеналиев өзү учурда Германияда иш сапар менен жүрөт.
Саламаттык сактоо министри Алымкадыр Бейшеналиев. Архив - Sputnik Кыргызстан, 1920, 17.05.2022
Баарын кетирейин деп жаткам. Бейшеналиев каршы чыккан орун басарларына жооп берди
Жаңылыктар түрмөгү
0