Депутат: НАТОнун 1997-жылдагы чек арасына кайтышы — стратегиялык тапшырма

© Sputnik / Алексей Витвицкий / Фотобанкка өтүүНАТОнун Брюсселдеги башкы штабы. Архивдик сүрөт
НАТОнун Брюсселдеги башкы штабы. Архивдик сүрөт - Sputnik Кыргызстан, 1920, 14.05.2022
Жазылуу
Yandex newsTelegram
Белгилей кетсек, Финляндия менен Швеция көп жылдык нейтралдуулуктан баш тартып, НАТОго кирүү мүмкүнчүлүгү боюнча кеп кыла баштады.
БИШКЕК, 14-май — Sputnik. Альянстын 1997-жылдагы чек арага кайтышы Россия үчүн стратегиялык тапшырма болуп эсептелет. РФ Калининградга ракеталык системаларды жайгаштырып, мүмкүн болгон бардык иштерди аткарат. Бул тууралуу РИА Новостиге Мамлекеттик думанын депутаты Олег Морозов билдирген.

"НАТОнун 1997-жылдагы чек арасына кайтып келүүсү Россия үчүн стратегиялык тапшырма. Анын ичинде Калининградда ракеталык системаларды жайгаштыруу аркылуу, "жаңы" НАТОчулардын коопсуздугуна реалдуу коркунучтарды жаратуу аркылуу мүмкүн болгон бардык нерселерди жасайбыз", — деген депутат.

Эл өкүлүнүн айтымында, Финляндия менен Швеция альянска кирсе, Россиянын Балтика деңизинде өзөктүк эмес статусунан баш тартуусу тууралуу маселе көтөрүлүшү мүмкүн.
"Финляндия менен Швециянын НАТОго кириши түп тамырында европалык коопсуздук архитектурасын бузат. Анда РФтин Балтика деңизинде өзөктүк эмес статусунан баш тартуу маселеси көтөрүлөт", — деген ал.
Финляндия менен Швеция көп жылдык нейтралдуулуктан баш тартып, НАТОго кирүү мүмкүнчүлүгү боюнча кеп кыла баштады. Альянстын башкы катчысы Йенс Столтенберг бул мамлекеттер аскердик блокко кирүүнү кааласа НАТО аларды тез кабыл алууну камсыздай турганын билдирген. АКШнын НАТОдогу туруктуу өкүлү Жулиан Смиттин айтымында, уюм Швеция менен Финляндия жакынкы айларда же жумада альянска кирүү боюнча өз алдынча чечим чыгарат деп күтүүдө. Ал Кошмо Штаттар бул мамлекеттердин НАТОго кошулуу чечимин колдой турганын кошумчалаган.
Россия эки өлкөнүн НАТОго кошулушуна каршы. РФтин Коопсуздук кеңешинин төрагасынын орун басары Дмитрий Медведев эгер бул нерсе ишке аша турган болсо, чек араны бекемдөөгө туура келерин айткан. Себеби альянстын Россия менен болгон кургактагы чек арасы эки эсе узаргандыктан Москва НАТОнун агрессивдүү аракеттерине даяр турушу керек болот.
НАТО желеги. Архив - Sputnik Кыргызстан, 1920, 20.04.2022
Россия Финляндия менен Швеция НАТОго кирсе кесепети кандай болорун эскертти
Жаңылыктар түрмөгү
0