Сүйлөшкөн болбойт экен! Депутаттар Казакстанга суу бербей жаап салууга чакырды

© Пресс-служба правительства / Алишер АлиевКаналдагы сугат суусу. Архив
Каналдагы сугат суусу. Архив - Sputnik Кыргызстан, 1920, 11.05.2022
Жазылуу
Маматалиев казак тараптын негизги максаты ачык-айкындуулук эмес башкада экенин айтты.
БИШКЕК, 11-май — Sputnik. Жогорку Кеңештин айрым депутаттары жыйында жүк өткөрүү көйгөйүнө байланыштуу өкмөттү Казакстанга суу берүүнү токтотууга чакырды.
Эл өкүлү Марлен Маматалиев кайсы бир премьер-министрдин учурунда кыргыз-казак чек арасынан жүк өткөрүү ЕАЭБдин алкагында эмес, эки тараптуу маселе катары каралып калганын белгиледи.
© Фото / пресс-служба Жогорку КенешаДепутат Марлен Маматалиев
Депутат Жогорку Кенеша Марлен Маматалиев - Sputnik Кыргызстан, 1920, 11.05.2022
Депутат Марлен Маматалиев
"ЕАЭБ өзүнүн чечимин чыгарган, Россия тарап да "тоспогула, болбойт, акыңар жок" деп айткан. Мына көрүп жатабыз, ар кандай тоскоолдуктарды жаратып жатышат. Казакстандын негизги максаты башкада. Кытайдан келген жүктүн баары Казакстан аркылуу өтсүн деген саясатты жүргүзүп жатышат. Анда суу бербегиле, токтоткула, жапкыла! Мүнөздү кичине көрсөтөлү", — деди Маматалиев.
Дагы бир парламентарий Арсланбек Малиев сүйлөшүүдөн натыйжа болбой калганын айтып, эртеңден тарта сууну жабууга чакырды.
© Фото / пресс-служба Жогорку КенешаДепутат Арсланбек Малиев
Депутат Арсланбек Малиев - Sputnik Кыргызстан, 1920, 11.05.2022
Депутат Арсланбек Малиев
"Казак туугандар түшүнбөй жатат окшойт. Сууну өзүбүзгө сактабай, жазында аларга берип жатабыз. Андыктан министрлер кабинетинен талап кылам, эртеңден баштап сууну жаап таштагыла. Бүттү, маселе чечилет, Токмокко чейин кезек күтүп турган автоунаалардын баары токтоосуз өтүп калат. Сүйлөшүүлөр натыйжа бербейт экен", — деди Малиев.
Белгилей кетсек, кыргыз-казак чек ара пунктунан жүк ташуучу автоунаалардын өтүшү көп жылдан берки негизги көйгөй болууда. Бул маселе өкмөттөрдүн, президенттердин деңгээлинде көтөрүлгөнүнө карабай тоскоолдуктар болуп келет. Кээде чек арадан өтө албай кезек күткөн транспорттун саны 4-5 чакырымга чейин жетет.
Кыргыз-казак чек арасы. Архивдик сүрөт - Sputnik Кыргызстан, 1920, 07.05.2022
Кыргызстан кыргыз-казак чек арасындагы "көмүскө" схемаларды жоюуга күч жумшайт
Жаңылыктар түрмөгү
0