Кыргызстан кыргыз-казак чек арасындагы "көмүскө" схемаларды жоюуга күч жумшайт

© Sputnik / Табылды КадырбековКыргыз-казак чек арасы. Архивдик сүрөт
Кыргыз-казак чек арасы. Архивдик сүрөт - Sputnik Кыргызстан, 1920, 07.05.2022
Жазылуу
Бардык жүк ташуучулар абийирсиз экспортчулардын айынан жапа чегип жатканы айтылды.
БИШКЕК, 7-май — Sputnik. Кыргызстан кыргыз-казак чек арасындагы "көмүскө" схемаларды жоюуга бардык күч-аракетин жумшайт. Бул тууралуу министрлер кабинетинин төрагасынын биринчи орун басары Арзыбек Кожошев билдирди.
Өкмөттүн маалыматына караганда, Кожошев Казакстандын аймагы аркылуу жүк ташуучу унаалардын эркин жүрүүсүн камсыздоо боюнча ыкчам кеңешме өткөрдү.
Кожошев белгилегендей, буга чейин жетишилген макулдашууларга ылайык, кыргыз тарап ташылган жүк үчүн электрондук эсеп-фактурасы жок транспорт каражаттарын өткөрбөшү керек. Ал эми Казакстан Кыргызстандан ЕАЭБ өлкөлөрүнө транзит менен келе жаткан жүк ташуучу унааларга карата текшерүү жана контролдоо иш-чараларын жүргүзбөйт.

"Финансы министрлигине караштуу Мамлекеттик салык кызматынын ыйгарым укуктарын күчөтүү максатында Кыргызстандын Фискалдык органына мобилдик топ менен биргеликте жүк ташуучу унааларды текшерүүнү караган токтом кабыл алды. Анда кыргыз-казак мамлекеттик чек арасындагы өткөрүү пунктуларында электрондук эсеп-фактураларды текшерүү каралган", — деди Кожошев.

Анын айтымында, бул чечим 2022-жылдын 9-майынан тартып күчүнө кирет жана Кыргызстандын Мамлекеттик салык кызматына бул иш-чараларды толук ишке ашыруу үчүн укуктук маселени чечүүгө мүмкүндүк берет.
Жыйындын соңунда Ички иштер министрлигине өткөрүү пунктуларындагы салык кызматкерлерине көмөк көрсөтүү тапшырылды. Аны менен бирге мамлекеттик органдарга жүк ташуучулар арасында түшүндүрүү иштерин күчөтүү керектиги айтылды.
"Бардык жүк ташуучулар абийирсиз экспортчулардын айынан жапа чегип жатышат. Эрежелер баарына бирдей. Чек арада товарларды кармап турууга байланышкан бардык жагдайлар боюнча ыкчам штаб түзүлдү. Экспортчуларга электрондук эсеп-фактурасы жок жүрүүгө уруксат берген тиешелүү бөлүмдөрдүн кызматкерлерине да чара көрүлөт. Чек арадагы "көмүскө" схемаларды жоюуга бардык күч-аракетибизди жумшайбыз", — деди Кожошев.
Ак-Жол көзөмөл-өткөрмө бекетиндеги чек арачылар. Архив - Sputnik Кыргызстан, 1920, 06.05.2022
"Жасалма жүк" көбөйдү. Казакстан чек арадагы көзөмөл кайра күчөтүлөрүн эскертти
Жаңылыктар түрмөгү
0