Пентагон: Швеция менен Финляндиянын коопсуздук кепилдиги тууралуу сөз кылууга эрте

© Фото / DoD / Lisa FerdinandoПентагондун маалымат катчысы Жон Кирби. Архив
Пентагондун маалымат катчысы Жон Кирби. Архив - Sputnik Кыргызстан, 1920, 03.05.2022
Жазылуу
НовостиTelegram
Финляндия менен Швеция Россиянын Украинадагы атайын операциясынын фонунда узак мөөнөттүү бейтараптыктан баш тартып, НАТОго кирүү мүмкүнчүлүгү тууралуу айта башташты.
БИШКЕК, 3-май. — Sputnik. Пентагондун маалымат катчысы Жон Кирби Швеция менен Финляндиянын коопсуздук кепилдиги тууралуу сөз кылууга эрте деп эсептейт. Бул тууралуу анын брифингде айткандарына шилтеме берип РИА Новости жазды.
Ага "НАТОго кошулууга умтулган Швеция менен Финляндиянын коопсуздугун түндүк атлантикалык альянс канчалык камсыз кыла алат?" деген суроо берилген.
"Биз НАТОнун ачык эшик саясатын колдойбуз. НАТОго мүчө болуу боюнча кандай гана талкуулар болбосун, аталган эки өкмөт менен альянстын ортосунда өткөрүлөт. Коопсуздук кепилдигине келсек, бул маселени сөз кылууга али эрте", — деди Кирби.
Анын айтымында, Вашингтон эки мамлекет менен тең үзгүлтүксүз иштешет.
"Биз Финляндия жана Швеция менен коргонуу жаатында кызматташтыгыбыз бар. Эгер иштер ушул багытта өнүгүп кетсе, алардын коргонуу муктаждыктарын тереңирээк талкуулоого шарт түзүлөт деп ишенебиз", — деди ал.
Финляндия менен Швеция Россиянын Украинадагы атайын операциясынын фонунда узак мөөнөттүү бейтараптыктан баш тартып, НАТОго кирүү мүмкүнчүлүгү тууралуу айта башташты. Альянстын башчысы Йенс Столтенберг Брюссель Хельсинки менен Стокгольмго тез арада уюмга кошулуу мүмкүнчүлүгүн берерин белгилеген.
АКШнын НАТОдогу туруктуу өкүлү Жулианна Смит блок бул өлкөлөрдүн альянска кирүү мүмкүндүгү тууралуу өз алдынча чечим чыгарышын күтөрүн айткан.
Германиянын канцлери Олаф Шольц. Архив - Sputnik Кыргызстан, 1920, 03.05.2022
Россиянын Донбассты коргоо боюнча атайын операциясы
Зеленскийдин кылыгы үчүн Шольц Киевге келүүдөн баш тартты
Жаңылыктар түрмөгү
0