Россия газынан баш тарткан Польша аны Германиядан реверсиялап алууда

© Фото / Пресс-служба Совета Федерации РФ / Фотобанкка өтүүСенатор Алексей Пушков
Сенатор Алексей Пушков - Sputnik Кыргызстан, 1920, 29.04.2022
Жазылуу
Yandex newsTelegram
"Газпром" Польша билдирүүлөрүнө карабай, Россиянын көгүлтүр отун алып жатканын билдирген.
БИШКЕК, 29-апр. — Sputnik. Польшанын Россия газын Германиядан реверс менен алышы Варшаванын РФтин көгүлтүр отунун керексиздиги тууралуу айткандарына каршы келет. Бул тууралуу сенатор Алексей Пушковдун айтканын РИА Новости жазды.
27-апрелден тарта "Газпром" Болгария жана Польшага акысын төлөбөгөнү үчүн газ берүүнү токтоткон. Муну менен катар эле эгерде София менен Варшава аталган продукцияны мыйзамсыз жол менен алса, башка өлкөлөргө транзитти кыскарта турганын айткан. Кийинчерээк "Газпромдон" Польша Россиянын көгүлтүр отун алууну улантып жатканын, түз эмес, Германиядан реверс менен алганын билдиришти.
Пушков өзүнүн Telegram-каналында Польша Россия газынан баш тарткандан кийин Германиядан реверс менен буюртма кылып, мурда РФтен алып жүргөндөй эле көлөм менен камсыз болуп жаткандыгын билдирген.

"А бирок Варшава Россия газы кереги жок деп келет. Алар кимди алдагысы келип жатат?" – деген ал.

Россия 1-апрелден тарта касташкан өлкөлөрдөн саткан газынын акысын рубль менен кабыл алып баштаган, бул доллар, евро менен эсептешүүдөн кетүү максатында жасалган. Президент Владимир Путин россиялык валюта менен эсеп-кысап жүргүзүүдөн баш тартууну Москва келишимдеги милдеттерди аткарбагандык деп тааный тургандыгын тактаган.
Германиянын канцлери Олаф Шольц - Sputnik Кыргызстан, 1920, 29.04.2022
Германия канцлери Россия газынан баш тартуунун кесепетин тынбай айтууда
Жаңылыктар түрмөгү
0