Бишкек шаарынын күнү: 29-апрель кандай майрамдалат. Программа

© Sputnik / Акылбек БатырбековБишкек шаарындагы Ала-Тоо аянты. Архив
Бишкек шаарындагы Ала-Тоо аянты. Архив - Sputnik Кыргызстан, 1920, 28.04.2022
Жазылуу
Шаардыктар сейилдеп, эс алып, спорттук оюндарга жана башка иш-чараларга катышат.
БИШКЕК, 28-апр. — Sputnik. Эртең, 29-апрелде, Бишкек шаары түптөлгөндүгүнүн 144 жылдыгын белгилейт.
Мэрия төрт райондо майрамдык программа даярдады.
Биринчи май району:
09:00 — №29 мектепте Бишкектин баскетбол боюнча кубогу өтөт. Ага жергиликтүүлөрдөн сырткары Өзбекстан, Казакстандын спортчуларынын катышары күтүлүүдө;
12:00 — "Коломто" баш калкалоочу жайында үй-жайсыздар үчүн тамак-аш уюштурулат;
13:00 — Ак-Босого конушунда Профессор Зима жана Безымянная көчөлөрүнүн кесилишинде "Ыр кесе" конкурсу уюштурулат. Коноктор үчүн боз үй тигилип, улуттук суусундуктар тартууланат. Андан сырткары, улуттук жана спорттук оюндар, "Шайыр апалар" элдик чыгармачылык жана фольклордук тобунун концерти өтөт.
Ленин району:
10:00 — Кыргыз мамлекеттик юридикалык академиясынын корпусунда (Горький көч., 18 а) Ленин жана Аламүдүн райондорундагы окуучулардын футбол боюнча жолдоштук беттешүүсү болот. Андан сырткары, балдар үчүн райондун аймагында жайгашкан тарыхый жерлерге экскурсия уюштурулат. "Аялзат" кризистик борборунда майрамдык концерт болот.
Свердлов району:
Саат 10:00дөн 12:00гө чейин — ЦУМдун, Малдыбаев атындагы Кыргыз улуттук опера жана балет театрынын, "Кыргыз телеком" ишканасынын жанында да шаар тарыхы боюнча жарандар арасында сурамжылоо жүргүзгөн викторина уюштурулат. Ушул эле маалда Чыгыш-5 кичи районунда "Творческий Арбат" деп аталган көркөм сүрөт көргөзмөсү болот. Ал жерге художниктер аймагын ачышып, мольберттеги сүрөттөр, кичинекейлердин, мектеп окуучуларынын эмгектери жайгашат.
Октябрь району:
Саат 11:00дөн 13:00гө чейин — "Ынтымак-2" паркында майрамдык концерт, жарманке, улуттук тамак-аштын фестивалы уюштурулат;
саат 20:00дөн 23:00гө чейин — шаар күнүнө карата мобилдик операторлор уюштурган иш-чаралар болот.
Эркиндик проспектисининде орнотулган жол белигиси - Sputnik Кыргызстан, 1920, 28.04.2022
Аким: Эркиндик проспектинин бир жагына гана токтоого уруксат берилген
Жаңылыктар түрмөгү
0