Муфтийдин орун басары Шергазиев кызматтан кетип, жаңысы дайындалды

© Фото / пресс-служба ДУМК КРМуфтийдин орун басары Самидин Атабаев
Муфтийдин орун басары Самидин Атабаев - Sputnik Кыргызстан, 1920, 31.03.2022
Жазылуу
Жаңы дайындалган орун басар буга чейин Бишкек шаарынын казысы болуп иштеп келген.
БИШКЕК, 31-мар. — Sputnik. Муфтийдин орун басары Жоробай Шергазиев кызматтан кетип, ордуна Самидин Атабаев дайындалды. Бул тууралуу Кыргызстан мусулмандарынын дин башкармалыгы кабарлады.
Тиешелүү буйрукка муфтий Замир Ракиев кол койгон. Ал эми Шергазиевдин башка кызматка өткөндүгү айтылды.
Атабаев буга чейин Бишкек шаарынын казысы болчу. Азыр бул кызматка Шакир Маматов келди.
Самидин Атабаев буга чейин Ош облусунун мусулмандар казысы болуп эмгектенип келген. Ал 1973-жылдын 27-декабрында Өзгөн районуна караштуу Комсомол айылында төрөлгөн.
Диний жана светтик жогорку билимге ээ. Кыргызстан Ислам институтун, андан кийин Россия Ислам университетин ийгиликтүү аяктап, Ош мамлекеттик юридикалык институтунан "юриспруденция" адистигине ээ болгон. 1995-1996-жылдары аскердик кызматын өтөгөн.
Россияда жана Татарстанда куран жарышы боюнча өткөрүлгөн сынактарда биринчи орундарды камсыздаган. Мындан сырткары, волейболго кызыгат.
Орус, түрк, өзбек жана араб тилдеринде эркин сүйлөйт. Үй-бүлөлүү, эки уул жана үч кыздын атасы.
Битир-садага берип жаткан адамдар. Архив - Sputnik Кыргызстан, 1920, 27.03.2022
Муфтият 2022-жылдагы битир-садаганын өлчөмүн бекитти
Жаңылыктар түрмөгү
0