https://sputnik.kg/20220312/psihologgo-zhigittin-katy-1062785369.html
Баңгиге айланып баратат, досумду кантип сактап калам? Жигиттин каты
Баңгиге айланып баратат, досумду кантип сактап калам? Жигиттин каты
Sputnik Кыргызстан
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет. 12.03.2022, Sputnik Кыргызстан
2022-03-12T15:39+0600
2022-03-12T15:39+0600
2022-03-12T15:39+0600
психолог
гүлнара жасоолова
бала
студент
баңгизат
дос
психолог менен баарлашуу
https://sputnik.kg/img/07e6/03/0c/1062785338_0:137:1920:1217_1920x0_80_0_0_36376b3c861f6c99457f683dea7e812c.jpg
"Психолог менен баарлашуу" рубрикасына досу синтетикалык баңгизатын колдонуп тагдырын талкалап алганын айтып кайрылган жигиттин каты жарыяланат.Саламатсыздарбы! Менин сиздерге кат жазуума досумдун жан кейиткен тагдыры себеп болууда. Биз борбордогу жогорку окуу жайларынын биринде чогуу окучубуз. Университетти бүтөрүбүзгө аз эле калды. Досум да так илимдерди мыкты өздөштүргөн, келечеги бар жигит эле. Экөөбүз тең алдыга көп пландарды коюп, кыялданчубуз. Бирок досум кыз жандуу, түнкү клубдарда көңүл ачканды башынан жакшы көрчү. Ошентип жүрүп менден алыстай баштаган. Окууга да мурункудай кызыкпай, сабакка көп келбей жүрүп чыгып кетти. Сурасам, бир жерде иштеп жатканын айткан.Көрсө, башын балээге малып алыптыр. Жеңил синтетикалык баңгизатын түнкү эс алуулардын биринде кызыгып татып көргөн экен. Ошентип бат эле көнүп кетип, акча таппай кыйналып, ар кимден карыз ала берген. Иши кылып бир балээден кутулууну көздөп, улам бир тузакка чалынып отуруп азыр сазга баткан абалда турат. Мен кантип жардам беришти билбейм. Баары кеч болуп калды окшойт. Мурунку досум жок. Азыр такыр башка адам болуп өзгөрүп бара жатат. Андай заттарды колдонгондон кийин адамдын ден соолугу талкаланып, оорудан башы чыкпай калат экен. Азыр сөөктөрү, бүт денеси ооруп жатканын айтат. Жакындарынан да качып калды. Туугандарына барып анын абалын айтайын десем, өзү болбойт. Көз алдымда досумду жоготуп жатам, кантсем болот? Бир жылдын ичинде эле ушундай абалга түшүп калды. Туура эмес кылганын, адашканын өзү түшүнүп турат, бирок айласы жок.Психолог Гүлнара Жасоолова:— Менин божомолумда каттын ээси 21-22 жаш курактагы улан экен. Өспүрүм курактын белгилери 25 жашка чейин созулат. Баңгизатка жана алкоголдук ичимдикке берилүүнү "оору" деп гана эсептеш керек. Организмдин ага тартылуусу, көнүп кетүү синдрому — ошол адамдын баңгизатка болгон деградациясы деп айтылат. Эгер бир жумада бир эле жолу колдонсо, орточо баскычы болуп эсептелинет. Ал эми күндө колдонсо оор баскычка кирет. Дагы бир жаман жери — мындай жеңил синтетикалык баңгизаттарды бир колдонгондон кийин улам оорлоруна өтө баштайт. Себеби организм ошону талап кылат. Сөөктөрдүн жан сыздаткан оорусун басуу үчүн улам күчтүүсүнө өтө башташат. Ошондуктан наркологго жана психотерапевтке кайрылуу керек. Ушул адистер досуңузга жардам бере алышат. Ар бир адам андан чыгууга өзү да аракет кылышы керек. Антпесе аягы жакшы бүтпөйт.
https://sputnik.kg/20211215/okuchular-tuuraluu-psiholog-maek-1059343812.html
https://sputnik.kg/20220212/psiholog-mektep-reketi-1061995457.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
психолог, гүлнара жасоолова, бала, студент, баңгизат, дос, психолог менен баарлашуу
психолог, гүлнара жасоолова, бала, студент, баңгизат, дос, психолог менен баарлашуу
Баңгиге айланып баратат, досумду кантип сактап калам? Жигиттин каты
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.
"Психолог менен баарлашуу" рубрикасына досу синтетикалык баңгизатын колдонуп тагдырын талкалап алганын айтып кайрылган жигиттин каты жарыяланат.
Саламатсыздарбы! Менин сиздерге кат жазуума досумдун жан кейиткен тагдыры себеп болууда. Биз борбордогу жогорку окуу жайларынын биринде чогуу окучубуз. Университетти бүтөрүбүзгө аз эле калды. Досум да так илимдерди мыкты өздөштүргөн, келечеги бар жигит эле. Экөөбүз тең алдыга көп пландарды коюп, кыялданчубуз. Бирок досум кыз жандуу, түнкү клубдарда көңүл ачканды башынан жакшы көрчү. Ошентип жүрүп менден алыстай баштаган. Окууга да мурункудай кызыкпай, сабакка көп келбей жүрүп чыгып кетти. Сурасам, бир жерде иштеп жатканын айткан.
Көрсө, башын балээге малып алыптыр. Жеңил синтетикалык баңгизатын түнкү эс алуулардын биринде кызыгып татып көргөн экен. Ошентип бат эле көнүп кетип, акча таппай кыйналып, ар кимден карыз ала берген. Иши кылып бир балээден кутулууну көздөп, улам бир тузакка чалынып отуруп азыр сазга баткан абалда турат. Мен кантип жардам беришти билбейм. Баары кеч болуп калды окшойт. Мурунку досум жок. Азыр такыр башка адам болуп өзгөрүп бара жатат. Андай заттарды колдонгондон кийин адамдын ден соолугу талкаланып, оорудан башы чыкпай калат экен. Азыр сөөктөрү, бүт денеси ооруп жатканын айтат. Жакындарынан да качып калды. Туугандарына барып анын абалын айтайын десем, өзү болбойт. Көз алдымда досумду жоготуп жатам, кантсем болот? Бир жылдын ичинде эле ушундай абалга түшүп калды. Туура эмес кылганын, адашканын өзү түшүнүп турат, бирок айласы жок.
Психолог Гүлнара Жасоолова:
— Менин божомолумда каттын ээси 21-22 жаш курактагы улан экен. Өспүрүм курактын белгилери 25 жашка чейин созулат. Баңгизатка жана алкоголдук ичимдикке берилүүнү "оору" деп гана эсептеш керек. Организмдин ага тартылуусу, көнүп кетүү синдрому — ошол адамдын баңгизатка болгон деградациясы деп айтылат. Эгер бир жумада бир эле жолу колдонсо, орточо баскычы болуп эсептелинет. Ал эми күндө колдонсо оор баскычка кирет. Дагы бир жаман жери — мындай жеңил синтетикалык баңгизаттарды бир колдонгондон кийин улам оорлоруна өтө баштайт. Себеби организм ошону талап кылат. Сөөктөрдүн жан сыздаткан оорусун басуу үчүн улам күчтүүсүнө өтө башташат. Ошондуктан наркологго жана психотерапевтке кайрылуу керек. Ушул адистер досуңузга жардам бере алышат. Ар бир адам андан чыгууга өзү да аракет кылышы керек. Антпесе аягы жакшы бүтпөйт.
15 Бештин айы 2021, 17:02
12 Бирдин айы 2022, 15:01
