Баткенде калкты тейлөө кызматтары айыл өкмөттөрдө көрсөтүлө баштайт

© Пресс-служба правительства / Алишер АлиевКалкты тейлөө борбору. Архив
Калкты тейлөө борбору. Архив - Sputnik Кыргызстан, 1920, 22.02.2022
Жазылуу
Бул жеңилдиктер жарандардын акчасын жана убактысын үнөмдөөгө мүмкүнчүлүк берери белгиленди.
БИШКЕК, 22-фев. — Sputnik. Баткен облусунда калкты тейлөө кызматтары айыл өкмөттөрдө көрсөтүлүп, архивдик маалыматтарды берүү акысы 50 пайызга төмөндөтүлөт. Бул тууралуу Санариптик өнүктүрүү министрлиги билдирди.
Өкмөттүн Баткенде өткөн көчмө жыйынына министр Талантбек Иманов дагы катышкан. Анын алкагында Санариптик өнүктүрүү министрлиги облустун 28 айыл өкмөтү менен айрым мамлекеттик ыйгарым укуктарды өткөрүп берүү боюнча келишим түзгөн.
"Келишимдин негизинде калкты каттоо, жарандык абалдын актыларын каттоо жана паспорт алуу үчүн документтерди кабыл алуу кызматтары айыл өкмөттөрдө көрсөтүлөт. Бул элдин акчасын жана убактысын үнөмдөөгө мүмкүндүк берет. Мындан сырткары, Баткен облусунун өзгөчө статусуна байланыштуу мамлекеттик архив мекемелери көрсөткөн жумуш жана кызматтарын белгиленген нарктан 50 пайызга арзандатуу сунушталды. Социалдык-укуктук жана тематикалык мүнөздөгү суроо-талаптар боюнча маалымат берүү учурда 150 сом болсо, арзандатуу менен 75 сомду түзөт", — деп айтылат маалыматта.
Министрлик билдиргендей, бүгүнкү күндө Баткен облусунда төрт калкты тейлөө борбору иштейт. Аны менен катар Кадамжай жана Лейлек райондорунда жаңы форматтагы тейлөө борборлору 2021-жылдын апрель айында ачылган.
Санариптик өнүктүрүү министрлигине караштуу Электрондук өкмөттүн инфратүзүмүн өнүктүрүү башкармалыгынын жетекчиси Индира Шаршенова  - Sputnik Кыргызстан, 1920, 18.02.2022
Радио
Шаршенова: 500дөй мамлекеттик орган Infodocs маалыматтык системасына кошулду
Жаңылыктар түрмөгү
0