Абийиринде болсун! Мадумаров башкы прокурордун сунушу тууралуу пикирин айтты

© Фото / пресс-служба Жогорку КенешаЖогорку Кеңештин депутаты Адахан Мадумаров
Жогорку Кеңештин депутаты Адахан Мадумаров - Sputnik Кыргызстан, 1920, 10.02.2022
Жазылуу
Эл өкүлү депутаттык комиссияны тез арада ишке киришүүгө чакырып, адилеттүү чечим чыгарат деп үмүт артты.
БИШКЕК, 10-фев. — Sputnik. Жогорку Кеңештин депутаты Адахан Мадумаров аны жоопко тартуу боюнча башкы прокурордун сунушу тууралуу комментарий берди.
Ал кылмыш ишин иликтей турган депутаттык комиссия түзүүгө каршы эместигин, баары башкы прокурордун абийиринде болорун билдирди.
"Мен депутаттык комиссия түзө берүүнү сунуштайм. Мыйзам талабы ушундай болгон соң кандай форматта болбосун түзүлүшү керек. Бирок башкы прокурордун абийиринде болсун. Бул заман тез эле өзгөрөт, булут кетет, жаркыраган күндөр келет. Ошол баш прокурор эртең "мен жок элем, орун басарларым ушундай кылып коюптур" деген шылтоону айтат. Азыр аябагандай чоң күчтөр пайда болду, карама-каршылыкты мүмкүн болушунча курчутууга аракеттер жасалып жатат. Жалаң гана "Бүтүн Кыргызстандын" мүчөлөрү менен депутаттары ушундай абалга кабылганынын бирден-бир себеби — алардын саясий көз карашы. Бул жакшылыкка алып келбейт", — деди Мадумаров.
Эл өкүлү депутаттык комиссияны тез арада ишке киришүүгө чакырып, адилеттүү чечим чыгарат деп үмүт артты.
Жыйындын соңунда башкы прокурордун сунушунун негизинде Мадумаровдун кылмыш ишин иликтөөчү депутаттык комиссия түзүлдү.
Белгилей кетсек, Мадумаров буга чейин кыргыз-тажик чек арасында Төрт-Көчө тилкесине байланыштуу протокол тууралуу Башкы прокуратурага бир нече ирет сурак берип чыккан.
Жогорку Кеңештин депутаты Нуржигит Кадырбеков  - Sputnik Кыргызстан, 1920, 10.02.2022
Президентти минтип колдой албайбыз. Кадырбеков Мадумаровду коргоого чакырды
Жаңылыктар түрмөгү
0