Иммунолог: "омикрон" штаммы бөбөктөрдүн да өмүрүн алууда

© Sputnik / Кирилл Брага / Медиабанкка өтүүCovid-19 кабылган ымыркай. Архивдик сүрөт
Covid-19 кабылган ымыркай. Архивдик сүрөт - Sputnik Кыргызстан, 1920, 19.01.2022
Жазылуу
Жаңы штамм бөбөктөрдү тез алсыратса, өспүрүмдөрдүн организми коронавирустун бул түрүнө туруктуу келери айтылды.
БИШКЕК, 19-янв. — Sputnik. Улгайган адамдар, өнөкөт оорусу барлар жана үч жашка чейинки бөбөктөр "омикрон" штаммынын тобокел тобуна кирип, алардын арасында өлүм учуру көп катталууда. Бул тууралуу иммунолог, медицина илимдеринин кандидаты Николай Крючков билдиргенин РИА Новости жазды.
Медик аталган штаммдан бөбөктөр көз жума баштаганын белгилеген.
"Калк арасында "омикрон" күч алды. Бул штаммда деле тобокелчилик тобуна өнөкөт оорусу барлар менен жашы өтүп калган адамдар кирет. Мындан тышкары, "омикрон" үч жашка чейинки наристелердин да өмүрүн алууда. Алар илдетти тез жуктуруп, ооруканага түшүп калып жатышат", — деди Крючков.
Дарыгердин айтымында, өспүрүмдөр "омикрон" штаммына туруктуу келет. Анткени алардын иммундук системасы бул учурда активдүү фазада болот.
Медициналык кызматкер. Архив - Sputnik Кыргызстан, 1920, 19.01.2022
ДССУ: "омикрон" жайылып кетти, эми башка штаммдар чыгышы мүмкүн
Жаңылыктар түрмөгү
0