https://sputnik.kg/20220107/kyrgyzstan-sport-stipendiya-akchalaj-syjlyk-1061022606.html

Айсулуу, Мээрим, Акжол мамлекеттен канча стипендия алат. Жаңыланган тизме

Айсулуу, Мээрим, Акжол мамлекеттен канча стипендия алат. Жаңыланган тизме

Sputnik Кыргызстан

Кыргызстанда бийлик алдыңкы спортчуларга ай сайын стипендия берип келет. Атлеттин ийгилигине жараша сый акынын категориясы аныкталып, 8 миңден 75 миң сомго... 07.01.2022, Sputnik Кыргызстан

2022-01-07T17:34+0600

2022-01-07T17:34+0600

2022-01-09T17:48+0600

кыргызстан

спорт

каражат

стипендия

айсулуу тыныбекова

акжол махмудов

мээрим жуманазарова

https://sputnik.kg/img/07e5/0a/09/1054173481_0:67:1280:787_1920x0_80_0_0_a8dfc64e1194163d16ba0c338783ff4d.jpg

Тиешелүү токтомго акыркы өзгөртүү 2019-жылы кирген. Анда буга чейин эң жогорку стипендия 45 миң сом болсо, кийин 75 миңге көтөрүлгөн.Дене тарбия жана спорт мамлекеттик департаменти стипендиялар боюнча жаңыртылган маалыматты берди. Белгилей кетсек, департамент олимпиадалык спорттун түрүн аркалагандардын гана тизмеси менен бөлүштү.Сый акы спорттун олимпиадалык, паралимпиадалык, сурдлимпиадалык түрлөрү боюнча 7 категорияда, спорттун улуттук түрлөрү боюнча 3 категорияда жана спорттун олимпиадалык эмес түрлөрү боюнча 4 категорияда берилет. Стипендиялар бир жылдык мөөнөткө чейин чегерилет (ортодо өзгөрүүлөр болуп турат).I категория — 75 миң сомКРдин алдыңкы спортчуларына берилүүчү стипендия жөнүндө жобосуна ылайык, мындай каражат Олимпиадалык, Паралимпиадалык оюндарда биринчи орун алгандарга жана Олимпиадалык (Паралимпиадалык) оюндарга катышууга лицензия алган спортчуларга берилет.Учурда I категориядагы стипендияны лыжачы Максим Гордеев алып жатканы белгилүү болду. Спорт департаменти Гордеев 2022-жылы боло турчу кышкы Олимпиада оюндарына лицензия утканы үчүн алып жатканын билдирди. Стипендия ушу жылдын февралына чейин берилет.Белгилей кетсек, XXIV кышкы Олимпиада оюндары 4-февралдан 20-февралга чейин Кытайдын баш калаасы Пекин шаарында өтөт.II категория. 60 миң сомго төрт спортчу илингенОлимпиадалык, Паралимпиадалык оюндарда экинчи орун, Азия жана Азия пара оюндарында, чоңдор арасындагы дүйнө чемпионатында жана дүйнөлүк универсиадада биринчи орун алгандарга берилет. Аны азыр төрт спортчу алууда.Айсулуу Тыныбекова — Токиодогу Олимпиада оюндарында экинчи орун, дүйнө чемпионатында биринчи орун;Акжол Махмудов — Олимпиадада грек-рим күрөшү боюнча мелдеште күмүш медаль;Мээрим Жуманазарова — Олимпиадада коло медаль, дүйнө чемпионатында алтын медаль;Нурбек Тойчубаев — паратриатлон дүйнө кубогунда биринчи орун.III категория. 50 миң сом 8 спортчуга берилүүдөОлимпиадалык жана Паралимпиадалык оюндарда коло байге, Азия жана Азия пара оюндарында II орун, чоңдор арасындагы дүйнө чемпионатында күмүш медаль, жаштар арасындагы дүйнө чемпионатында алтын медаль алышы керек. Бул категорияга чоңдор арасындагы Азия чемпионатынан II орун, жаштар арасындагы Азия чемпионатынан күмүш медаль, дүйнөлүк универсиададан II орун ээлегендер да кирет.IV категория. 40 миң сом тогуз кишиге берилүүдөСурдлимпиадалык оюндардан алтын медаль, өспүрүмдөрдүн олимпиадалык оюндарынан I орун, Азия жана Азия пара оюндарында коло медаль, чоңдор арасындагы дүйнө чемпионатынан III орунду алгандар кирет. Андан сырткары, жаштар арасындагы дүйнө чемпионатынан II орун, өспүрүмдөр арасындагы дүйнө чемпионатынан алтын байге, дүйнөлүк универсиададан III орун, студенттер арасындагы дүйнөлүк чемпионаттан биринчи орунга ээ болгондор, ошондой эле чоңдор арасындагы Азия чемпионатынан экинчи орун, жаштар арасындагы Азия чемпионатынан биринчи орун алгандар кошулган.Олимпиадалык спорттун түрүнөн дагы 33 спортчуга V категория менен 30 миң сом берилсе, VI категория менен 16 стипендиант 20 миң, 15 бала VII категория менен 10 миң сомдон алууда.Белгилей кетсек, спортчулардын стипендиясы бир айга чегерилгендиктен айрымдары февраль айында эле алып бүтсө, кээсине жазга, жайга, күзгө (сентябрь) чейин берилет.Олимпиадачылар карьерасы бүткөндө өмүр бою стипендия алатОлимпиадалык жана паралимпиадалык оюндардын жеңүүчүлөрүнө жана байге ээлери, ошондой эле чоңдор арасындагы дүйнө чемпионатынан алтын алгандар (бул 2020-жылы кошулган) өмүр бою ай сайын берилүүчү стипендия алууга акысы бар. Азыр жобо боюнча үч категорияда берилет.Ошондой эле өмүр бою төлөнүүчү стипендияны Москва Олимпиадасынын жеңүүчүсү Каныбек Осмоналиев (30 миң сом), Пекин Олимпиадасынын күмүш медалынын ээси Канатбек Бегалиев (25 миң сом) жана ушул эле Олимпиаданын коло медалынын ээси Руслан Түмөнбаев (20 миң сом) алышат.Cпорттун улуттук түрлөрү боюнча стипендиялар адатта төмөнкүдөй:Спорттун олимпиадалык эмес түрлөрү боюнча сый акынын көлөмү:

https://sputnik.kg/20211227/kyrgyzstan-sportchular-2021-zhyldagy-zhetishkendikteri-1060764638.html

https://sputnik.kg/20220102/kyrgyzstan-sport-zharatkan-ijgilikter-surot-1060877399.html

2022

Жаңылыктар

kg_KG

кыргызстан, спорт, каражат, стипендия, айсулуу тыныбекова, акжол махмудов, мээрим жуманазарова