Эрдоган Жапаров менен телефондон сүйлөшүп, кийинки жылы келерин айтты

© Пресс-служба президента КР / Султан ДосалиевПрезидент Садыр Жапаров Түркиянын өлкө башчысы Режеп Тайип Эрдоган менен жолугушуу учурунда. Архив
Президент Садыр Жапаров Түркиянын өлкө башчысы Режеп Тайип Эрдоган менен жолугушуу учурунда. Архив - Sputnik Кыргызстан, 1920, 23.12.2021
Жазылуу
Yandex newsTelegram
Түрк лидери стратегиялык кызматташтык боюнча Жогорку Кеңештин июнда өткөн жыйыны боюнча жетишилген макулдашууларды ишке ашырууга өз ара күч-аракет жумшоону сунуштады.
БИШКЕК, 23-дек. — Sputnik. Президент Садыр Жапаров Түркиянын өлкө башчысы Режеп Тайип Эрдоган менен телефондон сүйлөштү. Бул тууралуу администрациянын маалымат кызматы кабарлады.
Анын жүрүшүндө президенттер эки өлкөнүн ортосундагы дипломатиялык мамилелердин түзүлгөндүгүнүн 30 жылдыгына байланыштуу бири-бирин жылуу куттуктаган.
Садыр Жапаров Түркия Кыргызстандын көз карандысыздыгын тааныган, дипломатиялык алака түзүп жана элчилигин ачкан алгачкы өлкө экенин белгилеген.
"Түркия биз үчүн боордош мамлекет, ишенимдүү дос, ошондой эле мезгил сынагынан өткөн өнөктөш. Кыргызстан Түркия менен болгон мамилеге өзгөчө маани берет", — деген Жапаров.
Өз кезегинде Эрдоган быйыл кыргыз-түрк мамилелерине стратегиялык өнөктөш макамы берилгенине 10 жыл болгонун белгиледи.
"Буга байланыштуу ал Стратегиялык кызматташтык боюнча Жогорку кеңештин 2021-жылдын июнь айында өткөн жыйынынын жыйынтыгында жетишилген макулдашууларды ишке ашырууга өз ара күч-аракетти жумшоону сунуштады", — деп жазылган маалыматта.
Түрк лидери 2022-жылы боло турган кеңештин кийинки жыйынына катышуу үчүн Кыргызстанга келүү ниетин билдирген.
Медициналык университеттин студенттери сабак учурунда. Архив - Sputnik Кыргызстан, 1920, 18.11.2021
Кыргызстандык бүтүрүүчүлөрдү Түркиянын медициналык ЖОЖдорунда окутуу талкууланды
Жаңылыктар түрмөгү
0