UWW Кыргызстандын балбан кыздарын 5 мыкты команданын катарына кошту. Видео

Жазылуу
Yandex newsTelegram
Кыргызстандын аялдар күрөшү боюнча курама командасы 2021-жылдын жыйынтыгы боюнча Бириккен күрөш дүйнөсү тарабынан эң ийгиликтүү командалардын бири деп табылды.
Спорттук уюм узаган 2021-жыл ичиндеги эң мыкты командалык көрсөткүчтөрдү жарыялады. Роликти UWW уюмунун YouTube каналынан көрүүгө болот.
Тизмеге жалпы жонунан беш команда кирди. Анын курамындагылар эл аралык беттештерде эң жогорку көрсөткүчтөргө жетишкен.
"Кыргызстандын кыз-келиндер күрөшү боюнча курама командасы дүйнөлүк спорттук аренада чоң ийгилик жаратты. Норвегиядагы дүйнө чемпионатында команда үч медаль алды, анын экөө алтын", — деп айтылат роликте.
Япониянын аялдар күрөшү боюнча командасы тизменин лидери болду. Экинчи орунга Россиянын эркин күрөш боюнча курама командасы илинди. Үчүнчүдө Украинанын балбан кыздары болсо, төртүнчү орунду Кыргызстандын командасы ээледи. Ал эми бешинчи сапта Ирандын грек-рим күрөшү боюнча командасы турат.
Белгилей кетсек, Норвегиядагы дүйнө чемпионатында Айсулуу Тыныбекова менен Мээрим Жуманазарова алтын, Айпери Медет кызы коло медаль тагынган.
Тема боюнча:
Айсулуунун машыктыруучусу Нурбек Изабеков тууралуу кино тартылды
Жаңылыктар түрмөгү
0