Корея Жогорку Кеңештин жыйындар залын жабдууга 8 млн. доллар берет

© Sputnik / Табылды КадырбековЖогорку Кеңештин жыйындар залы. Архив
Жогорку Кеңештин жыйындар залы. Архив - Sputnik Кыргызстан, 1920, 20.12.2021
Жазылуу
Yandex newsTelegram
Бул долбоор 2023-жылдан 2026-жылга чейин ишке ашырылары айтылды. Бул аралыкта санариптик техника орнотулат.
БИШКЕК, 20-дек. — Sputnik. Корея Эл аралык кызматташтык агенттиги (KOICA) Жогорку Кеңештин IT-инфраструктурасын модернизациялоо жана санариптештирүү үчүн гранттык негизде 8 миллион доллар өлчөмүндө техникалык көмөк көрсөтөт. Бул тууралуу парламенттин маалымат кызматы кабарлады.
Аталган каражат ЖКнын жыйындар залын техникалык жактан камсыз кылуу, орнотулган техниканы системалаштыруу, программалоо жана IT-техникалык жабдыктарды иштетүү үчүн адистерди даярдоого жумшалат. Бул долбоор 2023-жылдан 2026-жылга чейин ишке ашырылары айтылды.
ЖКнын аппарат жетекчиси Алмазбек Сабырбеков Кореядан келген IT-технология боюнча эксперттик топ менен жолуккан.
Ал корея тарапка ыраазычылык билдирип, аталган долбоор Жогорку Кеңеш менен карапайым калктын ортосундагы байланышты жакшыртып, парламенттин демократиялык багытта өнүгүшүнө зор өбөлгө түзөрүн кошумчалады. Муну менен катар депутаттардын заманбап техникалык мүмкүнчүлүктөрдү пайдалануу менен онлайн добуш берүүсүн камсыздоо зарылчылыгын белгилеген.
Газ менен жүрүүчү автобустар. Архив - Sputnik Кыргызстан, 1920, 16.12.2021
Пресс-борбор
Мэрия өкүлү: Бишкекке автобус сатып алууга 33 млн. евро бөлүнүшү мүмкүн
Жаңылыктар түрмөгү
0