Сауд Аравияда 40 төө ботокс сайылганы үчүн сынактан четтетилди

Төө. Архив - Sputnik Кыргызстан, 1920, 10.12.2021
Жазылуу
Мыйзам бузгандарга төөлөрдү сынакка беш жылга чейин катыштырбоо талабы коюлганы айтылды. Ошондой эле жаныбарга жасалган катаал мамиле үчүн иш козголот.
БИШКЕК, 10-дек. — Sputnik. Сауд Аравиянын бийлиги 40 төөнү ботокс үчүн сынактан четтетти. Бул тууралуу "National Geographic Россия" жазды.
Билдирмеге караганда, төөлөр арасындагы сынак 2000-жылдан бери падышалык үй-бүлөнүн колдоосу менен өтүп келет. Анын байге фонду 66 миллион доллар.
"Калыстар төөлөрдүн башы, мойну, өркөчү, жабдыгы жана басканына карап жеңүүчүнү аныкташат. Мында ботокс сыяктуу төөнүн ажарын арттыруу үчүн колдонулган косметикалык өзгөртүүлөргө тыюу салынган. Бирок мал ээлеринин көбү аны байкабай калат деп ойлошот", — деп айтылат маалыматта.
Жер алдынан чыккан енот. Архив - Sputnik Кыргызстан, 1920, 13.10.2021
Таң калган, ырахаттанган учурлары. Жаныбарлардын эмоциялары сүрөттө
Бул ирет сынактан 40 төө четтетилип, рекорд жараткан. Мал ээлери жаныбарлардын эриндерин, мурдун тарттырып, булчуңдарын бекемдөө үчүн гормон колдонуп, ботокс сайдырышкан.
Мыйзам бузгандарга төөлөрдү сынакка беш жылга чейин катыштырбоо талабы коюлганы айтылды. Ошондой эле жаныбарга жасалган катаал мамиле үчүн иш козголот.
Ушул сыяктуу иш-чараны бардык арабдар өткөрөт. Анын ичинен эң ириси Сауд Аравияда уюштурулуп келет. Иш-чаранын алкагында төөлөр жарышып, аукционго коюлат.
Жаңылыктар түрмөгү
0