Депутаттар Бакыт Жетигеновду кол тийбестиктен ажыратууну бүгүн да карабай койду

© Sputnik / Табылды КадырбековЖогорку Кеңештин депутаты Бакыт Жетигенов. Архив
Жогорку Кеңештин депутаты Бакыт Жетигенов. Архив - Sputnik Кыргызстан, 1920, 09.12.2021
Жазылуу
Ал арада УКМК жана Башкы прокуратуранын өкүлдөрү Канат Исаевге нааразычылыгын билдирип, комиссия төрагасы алмашты.
БИШКЕК, 9-дек. — Sputnik. Жогорку Кеңештин депутаттары Бакыт Жетигеновду кол тийбестигинен ажыратуу боюнча башкы прокурордун сунушун бүгүн да карай алган жок.
Алгач эл өкүлдөрү маселени караган депутаттык комиссиянын мүчөлөрүн кеңейтүүнү сунуштап, ага Айсулуу Мамашова, Аманкул Токтомамбетов, Каныбек Иманалиев, Бактыбек Райымкулов кирди. Топ жыйынга саат 16:30да чогулду.
Анда Канат Исаев комиссиянын төрагалыгынан алынып, ордуна Айсулуу Мамашова шайланды.
Себеби УКМК жана Башкы прокуратуранын өкүлдөрү кызыкчылыктар кагылышы болуп жатканын айтып, комиссия төрагасына нааразычылыгын билдирген.
"Мурда Бакыт Жетигенов менен бир нече ирет сүйлөшкөнүмдү, жердеш экенимди, кечээ жыйында кесиптешимди колдой турган позициямды ачык айтып койгонумду жүйө келтиришти. Мындан улам УКМК менен Башкы прокуратуранын өкүлдөрүнүн пикирин эске алып комиссия төрагасы алмашты", — деп түшүндүрдү Исаев.
Натыйжада комиссия Жетигенов мыйзамсыз кармалганын аныктап, кол тийбестигинен ажыратууга макулдук берүүдөн баш тартууга токтолгон. Ошондой эле абактан токтоосуз бошотуу керектигин белгилеген.
Төраганын милдетин аткарып жаткан вице-спикер Аида Касымалиева. Архив - Sputnik Кыргызстан, 1920, 09.12.2021
Жаңы депутаттарга кабинетиңерди бербегиле. Касымалиева эскертүү берди
Бирок комиссия чечимин парламенттин жалпы жыйынына алып чыгууга келгенде залда 20 чакты гана депутат отуруп, кворум чогулбай калды. Мындан улам вице-спикер Аида Касымалиева жыйынды жапты.
Белгилей кетсек, кечээ, 8-декабрда, парламенттик комиссия Асылбек Жээнбеков менен Төрөбай Зулпукаров мыйзамсыз кармалган деген тыянак чыгарган. Анын негизинде аталган депутаттар бүгүн абактан бошотулду.
Ал эми Жетигеновдун иши Башкы прокуратура маалымат бербей жатканына байланыштуу бүгүнкүгө калтырылган болчу. Аталган депутат бийликти басып алууга белсенген деген шек менен шайлоонун алдында кармалган.
Жаңылыктар түрмөгү
0
Алгач жаңыларыАлгач эскилери
loader