Сузак: балдар уурдалууда деген фейк-кабарды 67 жаштагы мугалим тараткан

© Sputnik / Алексей КуденкоОкуучу сабак учурунда. Архив
Окуучу сабак учурунда. Архив - Sputnik Кыргызстан, 1920, 01.12.2021
Жазылуу
Мугалим маалыматтын элге тарап кетишин билбегендигин, жасаган ишине өкүнүп жаткандыгын айтып, коомчулуктан кечирим сураган.
БИШКЕК, 1-дек. — Sputnik. Жалал-Абад облусунун Сузак районунда балдар массалык түрдө уурдалып, кээ бирлеринин сөөгү табылып жатат деген жалган маалыматтын автору — ошол аймактагы мектеп мугалими аныкталды. Бул тууралуу Жалал-Абад облустук милициянын маалымат кызматынан кабарлады.
Буга чейин WhatsApp социалдык тармагында Сузак районунун аймагында кенже класстын окуучулары уурдалып жатат деген үн менен жөнөтүлгөн маалымат тараган.
Насилие над детьми в КР - Sputnik Кыргызстан, 1920, 03.07.2021
Ошто бала уурдады делген киши кармалды. Шектүүнүн бөбөктү ээрчитип бараткан видеосу
Анда аял Сузак районунда мектеп жашындагы балдар уурдалып жатат деп билдирип, ага үрөй учурган маалыматтарды, окуучулардын сөөгү ички органсыз табылып жатат деп кошумчалаган.
Бул үн жазуу социалдык тармактарда башка тайпаларга да тарап, коомчулукту дүрбөлөңгө түшүргөн. Мындан улам Жалал-Абад облустук ички иштер башкармалыгынын Экстремизмге жана мыйзамсыз миграцияга каршы аракеттенүү кызматы, Сузак райондук ички иштер бөлүмү ыкчам-иликтөө иштерин жүргүзгөн. Анын натыйжасында элди коркуткан маалыматты жаздырып WhatsApp тайпасына тараткан адам Сузак районунун тургуну, №90 Манас орто мектебинин 67 жаштагы мугалими экени аныкталган.
"Үн жаздырууну өзүнүн уулуна, ал өз баласына жөнөтүп, бала башка тайпаларга бөлүшүп жибергендигин айткан. Маалыматтын элге тарап кетишин билбегендигин, жасаган ишине өкүнүп жаткандыгын айтып, коомчулуктан кечирим сурады", — деп билдирди милициядан.
Маалыматтардын электрондук журналга "текшерүүнү талап кылган материал" болуп катталып, учурда алдын ала текшерүү иштери жүрүп жатканы айтылды.
Жаңылыктар түрмөгү
0