Кечээ, 28-ноябрда, БШК Кыргызстанда өткөн парламенттик шайлоонун автоматтык урна санаган (АСУ) алдын ала жыйынтыгын жарыялаган. Учурда БШК кол менен саноонун жыйынтыгын улам жарыялап жатат.
Sputnik Кыргызстан АСУнун маалыматы боюнча бир мандаттуу округдардагы алдын ала жыйынтыктын ыңгайлуу картасын даярдады. Кайсы талапкер алдыда бара жатканын билүү үчүн ошол округду тандаңыз. Сизге ар бир талапкер боюнча кенен маалымат ачылат.
Кыргызстанда парламенттик шайлоо 28-ноябрда өттү. Алдын ала жыйынтык боюнча, парламентке 90 адамдын ордуна 88 киши депутат болуп келет. Себеби эки шайлоо округунда "баарына каршы" деген графа көп добуш алган.
Партиялык тизме боюнча Жогорку Кеңешке "Ата-Журт Кыргызстан", "Ишеним", "Ынтымак", "Альянс", "Бүтүн Кыргызстан" жана "Ыйман Нуру" партиялары өттү. Бирок бул алдын ала жыйынтык.
