Коңшу өлкөдө 24 адам Казакстан, 18 киши Түркистан ысымын алып жүрөт

© Sputnik / Евгений ОдиноковГолосование на президентских выборах в посольстве Казахстана в Москве
Голосование на президентских выборах в посольстве Казахстана в Москве - Sputnik Кыргызстан, 1920, 25.11.2021
Жазылуу
Коңшу Казакстанда Семей, Түркистан, Атырау, Тараз, Костанай, Актау жана Нур-Султан деп аталган ысымдар да кездешет.
БИШКЕК, 25-ноя. — Sputnik. Казакстан Республикасында 24 адам Казакстан деген ысымды алып жүрөт. Бөбөктөргө андан башка дагы жер-суунун аты ыйгарылган учурлар бар.
Sputnik Казакстан маалымат агенттигинин билдиргенине караганда, Казакстан аттуу жарандар Акмола облусунда жашайт. Карагандыда төрт, Костанайда үч, Шымкентте эки жана өлкөнүн батыш жагы менен Маңгыстауда бирден ысымдаштар турары белгилүү болду.
Ал эми башка шаарлардын аталыштары боюнча сереп салсак, Семей ысымы 28 , Алматы 21, Түркистан 18, Атырау 15, Тараз 14, Костанай 12, Актау 11 адамга ыйгарылыптыр.
Казакстан жетекчиси Касым-Жомарт Токаев жана экс-президент Нурсултан Назарбаев. Архив - Sputnik Кыргызстан, 1920, 23.11.2021
Назарбаевдин Nur Otan лидерлигин Токаевге берери айтылды
Нур-Султан ысымын алган 10 учурду эсепке кошпосо болот, бул шаар өлкөнүн туңгуч президенти Назарбаевдин ысымынан жакында эле ыйгарылганы баарына белгилүү. Андан сырткары, Шымкент эки, Актөбе менен Талдыкорган аттары бирден бөбөккө ыйгарылган.
2021-жылдын 1-октябрына карата Казакстанда 19,1 миллион адам жашаары катталган. Бул былтыркыга салыштырмалуу 1,3 пайызга көп.
Ал эми облустар боюнча ала келгенде Алматы менен Түркистан дубандарында калктын көп бөлүгү, тагыраагы, 2,1 миллион адамдын жашаары белгилүү болду. Анын артынан Алматы шаары (2 миллион) келери айтылды.
Эли эң аз Түндүк Казакстан облусу дешти. Анда учурда жарым миллионго жетпеген, тагыраагы, 539,4 миң адам жашайт экен.
Жаңылыктар түрмөгү
0