Сапарбаев Эрлан Турдакунович — өмүр баяны
04:19 04.11.2021 (Жаңыртылды: 12:24 21.01.2022)
© Фото / пресс-служба партии "Альянс"
Жазылуу
Эрлан Сапарбаев 1975-жылы 24-июнда Нарын облусунда туулган. Жогорку билимдүү. Ж.Баласагын атындагы Улуттук университетте жаратылыш ресурстарын рационалдуу колдонуу жана айлана-чөйрөнү коргоо багыты боюнча "географ-эколог" адистигин аяктаган.
Эмгек жолу:
- 1997-1998 — Нарын облустук мамлекеттик администрациясында кадр жана мамлекеттик сыйлыктар боюнча башкы адис жана жооптуу катчы;
- 1998-2000 — "Аян" телерадиокомпаниясында вице-президент;
- 2000-2001 — Мамлекеттик токой чарбачылыгы боюнча агенттиктин жетекчисинин жардамчысы жана маалымат катчы;
- 2001-2002 — Туризм, спорт жана жаштар саясаты боюнча мамлекеттик комитеттин төрагасынын жардамчысы, маалымат катчы;
- 2002-2005 — Дүйнөлүк банк, Глобалдык экологиялык фонддун Батыш Тянь-Шандын биотүрдүүлүгүн сактап калуу боюнча борбор азиялык трансчекаралык долбоордо PR-менеджер, Мамлекеттик токой чарбасы кызматынын төрагасынын коомдук башталыштагы кеңешчиси;
- 2005 — Өкмөткө караштуу Токой чарбасы жана айлана-чөйрөнү коргоо боюнча мамлекеттик агенттикте төраганын кеңешчиси, уюштуруу иштери жана аткарууну көзөмөлдөө секторунда жетекчи;
- 2005-2008 — өкмөттүк аппараттын жергиликтүү өзүн-өзү башкаруу жана мамлекеттик кызмат башкармалыгында уюштуруу иштери боюнча инспектор;
- 2012-2014 — Мамлекеттик каттоо кызматынын төрагасы;
- 2014-2019 — Чехия Республикасынын Прага шаарында Азия-Чехия соода палатасында коомдук, илимий-чыгармачыл жана инвестициялык ишмердүүлүк жүргүзгөн;
- 2021 — өкмөттүн Баткен облусундагы ыйгарым укуктуу өкүлүнүн орун басары, министрлер кабинетинин төрагасынын кеңешчиси, Экономика жана финансы министрлигине караштуу мамлекеттик сатып алуулар департаментинин директору.
