Жети-Өгүз шайлоо округундагы талапкерлердин тизмеси. Жан сакчы жана депутаттар
03:03 03.11.2021 (Жаңыртылды: 14:27 14.12.2021)
© Sputnik
Жазылуу
№ 34 округдагы шайлоочулардын саны — 108 452. Бул аймактан ЖКнын эки депутаты, Алмазбек Атамбаевдин жан сакчысы талапкерлигин койгон.
БИШКЕК, 2-ноя. — Sputnik. Борбордук шайлоо комиссиясы Ысык-Көл облусунун №30 Жети-Өгүз шайлоо округунан катталган талапкерлердин тизмесин жарыялады. Бул аймактан Жогорку Кеңештин депутаты мандаты үчүн 17 жаран ат салышууда.
Талапкерлердин материалда көрсөтүлгөн ирети бюллетендеги катар номерине карап жазылды.
- Исмаилов Муратбек Кубанычбекович, 17.08.1984, Кыргыз-түрк "Манас" университетинде финансы багыты боюнча окуган. Кыргыз улуттук университетинде "экономика" адистигин бүткөн. "Фэйр энд Састэйнэбл Дивелопмент солюшенс" коомдук фондунун жетекчиси;
- Омуралиев Арыстанбек Мелисович, 26.04.1982, Кыргыз техникалык университетинин "электр жабдуу" адистигин аяктаган. Жумушсуз;
- Абдрахматова Атыр Болотбековна, 07.02.1981, Кыргыз улуттук университетинен "юриспруденция" адистигин окуган. "ЭКУО ГРУП" компаниясынын директору;
- Айтакунов Бактыбек Кубатович, 04.06.1983, Кыргыз улуттук университетинин "юриспруденция" адистигин бүткөн. Иштеген жери көрсөтүлгөн эмес.
- Иманкожоева Эркингуль Бекбачаевна, 19.10.1966, Ташкенттеги Текстиль жана жеңил өнөр жай институтунда "трикотаж чыгаруу" адистигин бүткөн. Жумушсуз;
- Казакбай уулу Замирбек, 26.10.1977, Бүбүсара Бейшеналиева атындагы Кыргыз мамлекеттик искусство институтунда "радио режиссёру" адистигин бүткөн. "Миң кыял FM" радиосунда баяндамачы;
- Жапаров Талантбек Рысбекович, 12.10.1963, Ысык-Көл мамлекеттик экономика жана менеджмент институтунда "финансы жана кредит" адистигин аяктаган. "Жети-Өгүз" микрокредиттик агенттиктин директору;
- Сулаев Жекшен Эсенбекович, 12.06.1985, Кыргыз улуттук университетинде "юриспруденция", Кыргыз мамлекеттик техникалык университетинде "тоо машиналары жана жабдуулары" адистигин бүткөн. Жаргылчак айылдык кеңешинин депутаты;
- Алымов Манас Кадырович, 17.05.1979, Кыргыз улуттук университетинде "мамлекеттик жана муниципалдык башкаруу" адистигин аяктаган. Кызыл-Суу айыл өкмөтүнүн башчысы;
- Моңолдоров Дамир Черикович, 04.11.1962, СССРдин 50 жылдыгы атындагы Кыргыз мамлекеттик университетинде тарых факультетин бүтүргөн. Жумушсуз;
- Сагымбаев Канат Райымбекович, 01.07.1985, Ысык-Көл мамлекеттик университетинде "уюштуруу жана коопсуздук кыймылы" адистигин окуган. Жумушсуз;
- Кемелов Акыл Канатбекович, 04.11.1962, Президенттин алдындагы мамлекеттик башкаруу академиясында "менеджмент" адистигин аяктаган. Жогорку Кеңештин депутаты;
- Малиев Арсланбек Касымакунович, 08.10.1957, Харьков коомдук тамактануу институтунда "технология жана коомдук тамактанууну уюштуруу" адистигин бүткөн. Жумушсуз;
- Шамырканов Болотбек Муратбекович, 26.07.1969, Кыргыз улуттук университетинде "юриспруденция" адистигин окуган. Жумушсуз;
- Төлөгөнов Бакыт Талантович, 20.03.1980, Кыргыз мамлекеттик медициналык академиясында "дарылоо иши" адистигин окуган. Жумушсуз;
- Эшмамбетов Руслан Толонович, 01.07.1964, Евразия университетинде "юриспруденция" адистигин аяктаган. "Дар-Сервис Плюс" компаниясынын директору;
- Ибраев Саматбек Кулукеевич, 25.02.1965, Кыргыз мамлекеттик курулуш, транспорт жана архитектура университетинде "өнөр жай жана жарандык курулуш" адистигин бүткөн. Жогорку Кеңештин депутаты;
№34 округдагы шайлоочулардын саны — 108 452. Ага Тоң жана Жети-Өгүз райондору толугу менен, Каракол шаарынын №3131, 3132, 3161 шайлоо участкалары кирет.
Бир мандаттуу округдан эң көп добушка ээ болгон талапкер Жогорку Кеңештин депутаты мандатын алат. Эгер добуштар тең чыгып калса, БШКга биринчи болуп документ тапшырганы жеңүүчү аталат.
