Матазимов Маратбек Матазимович — өмүр баяны
04:35 03.11.2021 (Жаңыртылды: 12:24 21.01.2022)
© Фото / пресс-служба партии "Альянс"
Жазылуу
Маратбек Матазимов 1972-жылы 20-апрелде Ош облусунун Совет районуна караштуу Карагуз айылында туулган.
КМУУнун экономика факультетинин финансы жана кредит бөлүмүн аяктаган. Тышкы иштер министрлигинин Дипломатиялык академиясында билимин улантып, экономика боюнча магистр даражасына ээ болгон.
Эмгек жолу:
- 1994-1997 ― ВИКИНГ фирмасында жеткирүүчү;
- 1999-2000 ― "Reemtsma-Кыргызстан" АКнын сатуу иштери боюнча менеджери, айдоочу-экспедитору;
- 2001-2002 ― Каржы полициясынын Бишкек шаардык бөлүмүндө стажер;
- 2003-жылы Бишкек мэриясынын Биринчи май райондук администрациясынын социалдык-экономикалык өнүктүрүү жана ишкерликти колдоо бөлүмүндө жетектөөчү адис;
- 2003-2007 ― "Туташпай кызы Барчынгуль" жеке ишканасында аткаруучу директор, Туризм агенттигинде туристтик инфраструктураны жана тоолуу аймактарды өнүктүрүү бөлүмүнүн башкы адисинин милдетин аткаруучу;
- 2007-2008 ― Туризм агенттигинин жарнак жана көргөзмө борборунун директору;
- 2008-2009 ― Салык чогултуу боюнча мамлекеттик кызматтын стратегиялык пландоо бөлүмүнүн башкы инспекторунун милдетин аткаруучу, башкы инспектор, Мамлекеттик салык кызматынын Октябрь району боюнча башкармалыгында бөлүм башчы;
- 2009-2010 ― Мамлекеттик салык кызматынын Октябрь райондук башкармалыгынын башчысынын орун басары, Мамлекеттик салык кызматынын салык төлөөчүлөр менен иштөө башкармалыгынын бөлүм башчысы;
- 2010-2012 ― Мамлекеттик салык кызматынын Свердлов райондук башкармалыгынын башчысынын орун басары, Жогорку Кеңеш депутатынын жардамчысы;
- 2012-2013 ― Мамлекеттик салык кызматынын Свердлов райондук башкармалыгынын башчысы;
- 2013-2014 ― Мамлекеттик салык кызматынын төрагасынын кеңешчиси, жардамчысы;
- 2015 ― Мамлекеттик салык кызматынын төрагасынын жардамчысы;
- 2017-2018 ― Жогорку Кеңештин иш башкармалыгынын жетекчисинин орун басары;
- 2018-2021 ― Жогорку Кеңештин иш башкармалыгынын жетекчиси.
Мамлекеттик кызматтын 2-класстагы мамлекеттик кеңешчиси. Кыргыз Республикасынын Күрөш боюнча федерациясынын мүчөсү.
