Сузак шайлоо округунан 12 талапкер ат салышат. Тизме
01:58 02.11.2021 (Жаңыртылды: 14:27 14.12.2021)
© Sputnik
Жазылуу
Округдагы шайлоочулардын саны 111 287ни түзөт. Бул аймакта Жогорку Кеңештин депутаты болууга 12 талапкер ат салышып жатат.
БИШКЕК, 2-ноя. — Sputnik. Борбордук шайлоо комиссиясы Жалал-Абад облусунун №13 Сузак шайлоо округунан көрсөтүлгөн талапкерлердин тизмесин жарыялады. Бул аймакта Жогорку Кеңештин депутаты болууга 12 талапкер ат салышып жатат.
Талапкерлердин материалда көрсөтүлгөн ирети бюллетендеги катар номери менен дал келет.
- Кебекбаев Сабыралы Тойчуевич, 11.10.1954, Кыргыз айыл чарба институтунда "айыл чарбасын механизациялоо" адистигин бүткөн. Пенсионер;
- Икрамов Тазабек Икрамович, 16.10.1974, Кыргыз мамлекеттик дене тарбия жана спорт агенттигин "дене тарбия" адистиги боюнча бүткөн. Кыргыз мамлекеттик юридикалык академияда "юриспруденция" адистигин, ТИМдин Дипломаттык академиясында эл аралык мамилелер багыты боюнча магистратурада окуган. Жогорку Кеңештин депутаты;
- Мирзахмедов Нурболот Сабиржанович, 26.10.1978, Жалал-Абад коммерциялык институтунда "каржы жана кредит" адистигин окуган. Убактылуу иштебейт, өкмөттүн Жалал-Абад облусундагы мурдагы өкүлү;
- Максутов Манас Кутчубекович, 09.08.1985, Эл аралык заманбап университетинде "юриспруденция" адистигин аяктаган. Иштеген жери көрсөтүлгөн эмес;
- Артыкбаев Сейдахмат Жокобаевич, 21.10.1961, Кыргыз улуттук университетинде "укук таануу" адистигин аяктаган. Жер жана суу мамлекеттик инспекциянын суу ресурстарын жана объектилерин көзөмөлдөө башкармалыгынын жетекчиси;
- Лилиенталь Юлия Викторовна, 12.07.1981, Жалал-Абад мамлекеттик университетинде "социалдык-экономикалык билим берүү" адистигин окуган. Сузак айылдык кеңешинин депутаты, С. Акбаров атындагы №16 орто мектепте мугалим;
- Камбаров Абдиллабек Ракманович, 15.04.1962, Фрунзе политехникалык институтунда "автоунаа транспортун эксплуатациялоо" адистигин бүткөн. Президенттин Жалал-Абад облусундагы өкүлчүлүгүндө жетектөөчү адис;
- Кулматов Эделбек Маматкулович, 25.08.1982, Ош мамлекеттик университетинде "юриспруденция", Жалал-Абад мамлекеттик университетинде "мамлекеттик жана муниципалдык башкаруу" адистигин бүткөн. Экологиялык көзөмөл боюнча мамлекеттик инспекциянын директорунун орун басары;
- Жээнбеков Жусупжан Амражанович, 23.03.1956, Ош технологиялык университетинде "эмгек" адистигин аяктаган. Учурда иштебейт;
- Шакиров Асан Шакирович, 10.03.1965, Жалал-Абад мамлекеттик университетинде "уюштуруу жана коопсуздук кыймылы" адистигин окуган. Жумушсуз;
- Эгембердиев Өмүрбек Калыбекович, 15.03.1964, Кыргыз мамлекеттик университетинин Кадрлардын квалификациясын жогорулатуу жана кайра даярдоо институтунда "юриспруденция" адистигин аяктаган. Жумушсуз;
- Абдыбахапов Абдыманап Абдыбахапович, 02.08.1967, Кыргыз мамлекеттик улуттук университетинде "юриспруденция" адистигин бүткөн. Учурда жумушсуз.
№13 округдагы шайлоочулардын жалпы саны 111 287ни түзөт. Ага Сузак районунун Көк-Жаңгак шаары, Атабеков, Багыш, Кара-Алма, Кара-Дарыя, Көк-Арт, Курманбек, Кыз-Көл, Кызыл-Туу, Сузак айыл аймактары кирет.
Эң көп добуш алган талапкер Жогорку Кеңештин депутаты мандатын алат. Эгер добуштар тең чыгып калса, БШКга биринчи болуп документ тапшырганы жеңүүчү аталат.
