https://sputnik.kg/20211102/ozbek-biyligi-sokh-anklavyna-aba-kattamyn-achty-1054448914.html
Өзбек бийлиги Сох анклавына аба каттамын ачты
Өзбек бийлиги Сох анклавына аба каттамын ачты
Sputnik Кыргызстан
Сох анклавында курулуш иштери октябрдын орто чендеринде бүткөн. Учуп келген аба кемесин аким, райондогу кызматтардын башчылары жана коомчулук өкүлдөрү... 02.11.2021, Sputnik Кыргызстан
2021-11-02T14:06+0600
2021-11-02T14:06+0600
2021-12-14T14:27+0600
жаңылыктар
коом
кыргызстан
азия
дүйнөдө
сох
анклав
өзбекстан
каттам
учак
https://sputnik.kg/img/07e5/0b/02/1054448807_0:128:1280:851_1920x0_80_0_0_88cadc3ca91d606c9d19cfea149c365d.jpg
БИШКЕК, 2-ноя. — Sputnik. Сох анклавындагы аэропортко Өзбекстандын Фергана шаарынан биринчи ирет учак келип конду. Бул туурасында Sputnik Өзбекстан жергиликтүү акимчиликтин маалымат кызматына таянып кабарлады.Биринчи сынамык каттам кечээ, 1-ноябрда, болгон. Ан-2П деп аталган Humo Air авиакомпаниясына тиешелүү учак "Фергана" аба майданынан саат 12:30да учуп чыгып, "Сох" аэропортуна саат 13:10до конгон. Тагыраагы, 40 мүнөттө келген.Каттамды райондун акими Саидбахром Сайидмусаев, райондогу кызматтардын башчылары жана коомчулук өкүлдөрү салтанаттуу тосуп алган.Сох анклавындагы мурдагы аэропортту реконструкциялоо жана каттамдарды уюштуруу боюнча мындан бир жыл мурда, жай мезгилинде айтылган. Анда аталган аймакка Өзбекстандын өкмөт башчысы Абдулла Арипов келип кеткен эле.Сох анклавында курулуш иштери октябрдын орто чендеринде бүткөн. Аба терминалын тургузууга 637 миң доллар сарпталганы маалым болду. Аэропорттун аянты жети гектарга, учуп-конуу тилкесинин узундугу 700 метрге чукул экени айтылды.Сох – Өзбекстандын эксклавы, дүйнөдөгү анклав аттуулардын ириси. Баткен облусунун Кадамжай районунда анклав катары жайгашып, Лейлек жана Баткен райондорун, Сүлүктү шаарын өлкөнүн башка аймактары менен байланыштырган жолдун тоому болгон. Кыргыз Республикасынын жарандары бул жерден абдан кыйналгандыктан жана бир нече ирет чыр чыккандыктан мамлекет айланма жол салган.Сохтун жери 352 чарчы чакырым. Калкы – 74 миңден ашуун. Жыштыгы – 210 киши. Фергана өрөөнүндөгү гана эмес, дүйнөдөгү айыл жерлериндеги эл эң эле тыгыз жайгашкан кыштак. 1942-жылы согуш башталганда өзүнчө район болуп уюштурулган, бирок 1959-жылы кайра эле Фергана облусунун Риштан районуна карап калган. Өзбекстанга караган аймак болгону менен 99,2 пайызы тажик, ал эми 0,8 пайызы кыргыз улутундагылар деп айтылып келет.
https://sputnik.kg/20211029/manas-aehportu-ishi-ulzultukka-uchurady-1054401436.html
сох
өзбекстан
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, коом, кыргызстан, азия, дүйнөдө, сох, анклав, өзбекстан, каттам, учак
жаңылыктар, коом, кыргызстан, азия, дүйнөдө, сох, анклав, өзбекстан, каттам, учак
Өзбек бийлиги Сох анклавына аба каттамын ачты
14:06 02.11.2021 (Жаңыртылды: 14:27 14.12.2021) Сох анклавында курулуш иштери октябрдын орто чендеринде бүткөн. Учуп келген аба кемесин аким, райондогу кызматтардын башчылары жана коомчулук өкүлдөрү салтанаттуу тосуп алган.
БИШКЕК, 2-ноя. — Sputnik. Сох анклавындагы аэропортко Өзбекстандын Фергана шаарынан биринчи ирет учак келип конду. Бул туурасында
Sputnik Өзбекстан жергиликтүү акимчиликтин маалымат кызматына таянып кабарлады.
Биринчи сынамык каттам кечээ, 1-ноябрда, болгон. Ан-2П деп аталган Humo Air авиакомпаниясына тиешелүү учак "Фергана" аба майданынан саат 12:30да учуп чыгып, "Сох" аэропортуна саат 13:10до конгон. Тагыраагы, 40 мүнөттө келген.
Каттамды райондун акими Саидбахром Сайидмусаев, райондогу кызматтардын башчылары жана коомчулук өкүлдөрү салтанаттуу тосуп алган.
29 Тогуздун айы 2021, 13:14
Сох анклавындагы мурдагы аэропортту реконструкциялоо жана каттамдарды уюштуруу боюнча мындан бир жыл мурда, жай мезгилинде айтылган. Анда аталган аймакка Өзбекстандын өкмөт башчысы Абдулла Арипов келип кеткен эле.
Сох анклавында курулуш иштери октябрдын орто чендеринде бүткөн. Аба терминалын тургузууга 637 миң доллар сарпталганы маалым болду. Аэропорттун аянты жети гектарга, учуп-конуу тилкесинин узундугу 700 метрге чукул экени айтылды.
Сох – Өзбекстандын эксклавы, дүйнөдөгү анклав аттуулардын ириси. Баткен облусунун Кадамжай районунда анклав катары жайгашып, Лейлек жана Баткен райондорун, Сүлүктү шаарын өлкөнүн башка аймактары менен байланыштырган жолдун тоому болгон. Кыргыз Республикасынын жарандары бул жерден абдан кыйналгандыктан жана бир нече ирет чыр чыккандыктан мамлекет айланма жол салган.
Сохтун жери 352 чарчы чакырым. Калкы – 74 миңден ашуун. Жыштыгы – 210 киши. Фергана өрөөнүндөгү гана эмес, дүйнөдөгү айыл жерлериндеги эл эң эле тыгыз жайгашкан кыштак. 1942-жылы согуш башталганда өзүнчө район болуп уюштурулган, бирок 1959-жылы кайра эле Фергана облусунун Риштан районуна карап калган. Өзбекстанга караган аймак болгону менен 99,2 пайызы тажик, ал эми 0,8 пайызы кыргыз улутундагылар деп айтылып келет.
