Күрөштөн кийин талашып-тартышып... Акматалиевдин ирандык балбанды уткан видеосу

© Фото / United World WrestlingКыргызстандык эркин күрөш балбаны Эрназар Акматалиев. Архив
Кыргызстандык эркин күрөш балбаны Эрназар Акматалиев. Архив - Sputnik Кыргызстан, 1920, 04.10.2021
Жазылуу
Кыргызстандык балбан Шри-Ланка жана Армениядан келген эки балбанды ишенимдүү жеңип, кийинки этапка өттү.
БИШКЕК, 4-окт. — Sputnik. Кыргызстандык эркин күрөш балбаны Эрназар Акматалиев Дүйнө чемпионатынын жарым финалына чыкты.
Кыл чайнаш кармашта ирандык Эрфан Мохаммад Элахи менен кез келип, беттеш 8:8 менен жыйынтыкталды. Акматалиев акыркы упайды жасаганы үчүн артыкчылык берилип, жеңүүчү деп табылды.
Бирок мындай чечим бир катар талаштан, калыстардын ыкма жасалган учурлардын видеосун кайра-кайра карагандан соң чыгарылды.
Эми Акматалиев жарым финалда россиялык Евгений Жербаев менен кармашат.
70 килограмм салмак категориясында күч сынашып жаткан Эрназар чейрек финалда армениялык балбанды, 1/8 финалда Шри-Ланкадан келген балбанды уткан. 
Жаңылыктар түрмөгү
0