БИШКЕК, 27-авг. — Sputnik. Кыргызстанда сырттан велосипед сатып алуу үч эсеге өстү. Бул тууралуу Улуттук статистика комитетинин расмий сайтында айтылат.
2021-жылдын алгачкы алты айында республикага 34,2 миң даана алып келинген. Алардын наркы 614 миң долларды түздү.
Велосипед төмөнкү мамлекеттерден алынган:
- Түштүк Корея — 14 386;
- Өзбекстан — 11 830;
- Тажикстан — 5 056;
- Кытай — 1 988.
Германия, Индонезия, Казакстан, Камбоджа, Литва, БАЭ, Россия, АКШ, Тайвань, Япония жана Евробиримдиктин айрым мамлекеттеринен дагы бир аз импорттолгон.
Өткөн жылдын ушул мезгилинде 11 миңдей велосипед (276 миң долларга) сатып алынган. Анда Түштүк Кореядан болгону 544 даана алынган.
