Кабулдун аэропортунда эки ирет жардыруу болду, каза тапкандар бар. Видео

© AP Photo / Wali SabawoonВзрыв в аэропорту Кабула
Взрыв в аэропорту Кабула - Sputnik Кыргызстан, 1920, 26.08.2021
Жазылуу
Окуя америкалык аскерлер чогулган жерге жакын жайгашкан отелде болгон. Бир сааттан кийин эле экинчи жардыруу катталган.

БИШКЕК, 26-авг. — Sputnik. Кабулдун аэропортуна жакын жерде экинчи жардыруу болду. Бул тууралуу Түркиянын Коргоо министрлиги билдиргенин РИА Новости жазып чыкты. 

Fox телеканалынын маалыматына ылайык, окуя америкалык аскерлер чогулган жерге жакын жайгашкан отелде болгон. Бир сааттан кийин эле экинчи жардыруу катталган. Муну жан кечти террор жасаганы айтылууда.

Окуянын кесепетинен 13 киши, анын ичинде балдар курман болгону айтылууда. РИА Новостинин маалымат булагы билдиргендей, мерт болгон 10 кишинин сөөгү жана 15тен ашык жаракат алгандар ооруканага жеткирилген.

"Кабул аэропортунун сыртындагы Abbey дарбазасынын жанында болгон жарылуудан бир канча адам курман болгонун тастыктай алабыз", — деп Пентагондун маалымат катчысы Жон Кирби Twitter баракчасына жазды.

ЖМКлардын маалыматы боюнча, жардырууга "Ислам мамлекети" террордук уюмунун тиешеси бар. 

Афганистандагы бийлик алмашуу

Оперативно-стратегические учения Ладога-2009 - Sputnik Кыргызстан, 1920, 26.08.2021
Казакстандын аскер кампасында жарылуу болду. Жүрөк үшүн алган видео
Афганистандан Америкалык аскер күчтөрү чыгарылып жаткан тушта "Талибан"* кыймылынын согушкерлери чабуулга өтүшкөн. Өлкөдөгү бир катар ири шаарларды басып алышып, 20 жылга созулган согуш аяктаганын жар салышкан. Учурда мамлекетти башкаруунун механизми чечилип жатат. Жаңы бийликке жакын кишилердин РИА Новостиге билдиргенине караганда, бийликти 12 кишиден турган кеңеш башкарат.

Ахмад Масуддун аскерлери жайгашкан Панжшер провинциясы талибдерге каршылык көрсөткөн жападан-жалгаз очок болуп калууда.

Кабул аэропорту аркылуу чет элдиктер жана аларга көмөкчү болгон жергиликтүү тургундар эвакуацияланып жатат. Алгачкы күндөрү болгон дүрбөлөңдө бир канча адам мерт болгон.

*Кыргызстанда жана башка мамлекеттерде тыюу салынган террордук уюм.

Жаңылыктар түрмөгү
0