БИШКЕК, 26-авг. — Sputnik. Талибдер Афганистандын мурунку президенти Хамид Карзай менен Улуттук элдешүү жогорку кеңешинин башчысы Абдулла Абдулланы үй камагына алышканын CNN билдирди.
Буга чейин афган ЖМКлары Карзай менен Абдулла "Талибан" түзө турган башкаруучу кеңешке мүчө болорун айтып чыгышкан. Ага 12 киши кирмек, катарында кыймылдын саясий канатынын лидери Абдула Гани Барадар менен аскер комиссиясынын башчысы Моулави Якуба да бар. Талибдер булардын талапкерлигин радикалдык кыймылдын үч өкүлү менен макулдашкан.
"Талибан" жайдын ортосунда активдешип, чабуулда Афганистандын басымдуу бөлүгүн каратып алган. Азырынча баш ийбеген аймак болуп Кабулдан түндүк-чыгышты карай жайгашкан Панжшер провинциясы болууда. Бул жеринин аянты жана элинин саны боюнча эң кичине аймак.
* — Кыргызстан, Россия жана бир катар мамлекеттерде тыюу салынган уюм.
