БИШКЕК, 24-авг. — Sputnik. Эл аралык гимнастика федерациясы (FIG) спортчу кыздарга мелдештерге баш кийим менен катышууга уруксат берет. Бул тууралуу FIG уюмунун расмий сайтына таянып Eurosport маалымат булагы жазды.
Анда тийиштүү түзөтүү Аткаруу комитетинин кийинки жыйынында бекитилиши керектиги жана кийимдерди жарнамалоо эрежелерине киргизилиши зарыл экени айтылат.
Мындай көрүнүшкө уруксат берилиши үчүн жоолук эң оболу башка бекем байланышы зарыл. Таймашуу учурунда спортчуга коркунуч, тоскоолдук жаратпашы үчүн анын бети толук көрүнүп турушу керек. Мындан сырткары, анын атлет кийген спорттук кийимине түспөлдөш болушу талап кылынат.
Мында эң оболу мусулман өлкөлөрдүн спортчулары кийген хиджаб тууралуу сөз болууда. FIG уюмунун билдирүүсүндө баш кийим менен чыгууга уруксат спорттук же көркөм гимнастикада берилери так айтылган эмес.
