БИШКЕК, 9-авг.— Sputnik. Өткөн суткада 5 777 киши коронавируска каршы эмделди. Бул тууралуу Республикалык штаб кабарлады.
Билдирмеге караганда, бир суткада 1 850 адам коронавируска каршы вакцинанын биринчи дозасын алса, 3 927 киши экинчи дозасы менен эмделген.
Жалпысынан 539 067 адам вакцинанын биринчи дозасы менен эмделсе, 172 052си экинчи компонентин сайдырган.
Белгилей кетсек, COVID-19га каршы вакцинациялоо боюнча улуттук пландын алкагында 3,4 миллион адамды эмдөө каралган. Анда 18 жашка чейинки балдар, тышкы эмгек мигранттары камтылган эмес. Жамааттык иммунитет жаралышы үчүн максаттуу топко киргизилгендердин кеминде 70 пайызы вакцина алышы зарыл. Бул 2,4 миллион адамды түзөт.
