Англия Данияны утуп, биринчи жолу Европа чемпионатынын финалына чыкты

© REUTERS / Laurence GriffithsПолуфинал чемпионата Евро-2020. Англия — Дания
Полуфинал чемпионата Евро-2020. Англия — Дания - Sputnik Кыргызстан, 1920, 08.07.2021
Жазылуу
Оюн Лондондогу Уэмбли стадионунда өтүп, жеңүүчү 15 мүнөттөн берилген кошумча эки бөлүктөн (жалпы 30 мүнөт) соң аныкталды.
БИШКЕК, 8-июл. — Sputnik. Англия курама командасы Европа-2020 чемпионатынын финалына чыкты.
Жарым финалдык баскычта команда Дания оюнчуларын 2:1 эсебинде жеңип алды. Оюн Лондондогу Уэмбли стадионунда өтүп, жеңүүчү 15 мүнөттөн берилген кошумча эки бөлүктөн (жалпы 30 мүнөт) соң аныкталды.
Беттештин 30-мүнөтүндө даниялыктардын жарым коргоочусу Миккель Дамсгор айып аянтынын сыртынан тээп гол киргизип эсепти ачты. Арадан 10 мүнөт өткөндө англиялыктар чабуул уюштуруп, капталдан чыгарылган топту даниялыктардын коргоочусу Симон Кьер өз дарбазасына киргизип алды.
Кыргызстандык FIFA калысы Нурдин Букуев. Архив - Sputnik Кыргызстан, 1920, 05.07.2021
Нурдин Букуев футзал боюнча Дүйнө чемпионатынын оюндарын тейлөөгө чакырылды
Кошумча берилген 15 мүнөттүктүн биринчи бөлүгүндө даниялыктардын коргоочулары өз айып аянттарынын ичинде атаандаштын чабуулчусу Рахим Стерлингди жыкканы үчүн беттештин калысы Данни Маккели пенальти койду. Бул мүмкүнчүлүктү Гарри Кейн пайдаланып, Англияны алдыга алып чыкты.
Беттеште мындан башка гол болгон жок. Эми Англия Евро-2020 мелдешинин финалында Италия менен кез келет.
Италиялыктар кечээ Испания курамасын утуп финалга чыккан.
Финалдык беттеш 11-июлда Лондондо өтөт. Оюн Бишкек убактысы боюнча саат 01:00дө башталат.
Жаңылыктар түрмөгү
0