https://sputnik.kg/20210426/tuleevdin-ujloru-kylmysh-sot-1052271700.html
Мэриянын үйлөрүн сатып жиберген кызматкер 16 жылга кесилди
Мэриянын үйлөрүн сатып жиберген кызматкер 16 жылга кесилди
Sputnik Кыргызстан
Мэрияда иштеген кызматкер ондон ашуун адамды сызга отургузуп, 33 миллион 070 миң 250 сомго алдап кеткени аныкталды. 26.04.2021, Sputnik Кыргызстан
2021-04-26T19:47+0600
2021-04-26T19:47+0600
2021-12-14T14:27+0600
жаңылыктар
кыргызстан
окуялар
кылмышкер
алдамчылык
батир
сот
өкүм
https://sputnik.kg/img/101772/03/1017720307_0:455:2201:1693_1920x0_80_0_0_f840b1942497e348e9469d28e2c648fe.jpg
БИШКЕК, 26-апр. — Sputnik. Нариман Түлеевден алынган сегиз батирди сатып ийген мэриянын мурунку кызматкери Эрик Ашыралиев 16 жылга эркинен ажыратылып, 300 миң сом айып салынды. Мындай өкүмдү Ленин райондук соту чыгарганы тууралуу маалымат Жогорку соттун сайтына жарыяланды.Сот аны Жазык кодексинин 204-беренеси ("Алдамчылык"), 233-беренеси ("Коммерциялык же башка уюмда ыйгарым укуктарын кыянаттык менен пайдалануу"), 359-беренеси ("Документтерди жасалмалоо") жана 358-беренеси ("Мамлекеттик чек арадан мыйзамсыз өтүү") боюнча күнөөлүү деп тапкан. Жаза мөөнөтү 2019-жылдын 7-сентябрынан тарта эсептелет.Маалыматка ылайык, 2012-жылы Эрик Ашыралиев 12 иш боюнча алдамчылыкка күнөөлүү деп табылып, беш жылга эркинен ажыратылган. Ал жаза мөөнөтүн жатак абагында өтөп чыккан. 2017-жылы соттуулугу тууралуу маалыматты жашырып, Ленин райондук акимчилигинин экономика жана финансы бөлүмүнүн жетектөөчү адисинин милдетин аткаруучу болуп жумушка орношкон. Ошондон 2019-жылга чейин сегиз адамды сызга отургузуп, ири суммага алдап кеткен.Ага карабай соттуулугун дагы жашырып, Бишкек шаардык мэриянын Муниципалдык мүлк башкармалыгынын жалпы бөлүмүнүн башкы адисинин милдетин аткаруучу кызматына келген. Андан соң жасалма документтердин негизинде Бишкек шаарынын мурдагы мэри Нариман Түлеевден өндүрүлгөн сегиз батирди сатып, акчасын өзүнө ыйгарып алган. Ал батирлер мэриянын мүлк башкармалыгынын балансында турган.Натыйжада сот Эрик Ашыралиев ондон ашуун адамды сызга отургузуп, 33 миллион 070 миң 250 сомго алдап кеткенин аныктаган. Аталган сумманы ээлерине төлөп берүү милдеттендирилди.Мындан сырткары, аукцион аркылуу арзан түшөт деген жүйө менен бир үй-бүлөгө 5000 долларга Toyota Camry саткан. Ал эми ушундай эле үлгүдөгү дагы эки автоунаа алып берүү үчүн 16 миң доллар алып, бирок убадасын аткарган эмес. Натыйжада 21 миң доллар зыян келтиргени айтылат.Белгилей кетсек, кылмышкер иши ачыктала баштаганда Баткен облусунда жашырынып жүрүп, Тажикстанга өтүп, андан ары Түркияга учуп кетүүнү пландаштырган. 2019-жылдын 7-сентябрында милиционерлер менен УКМКнын Коррупцияга каршы күрөшүү кызматынын өкүлдөрү Ашыралиевди Лейлек районундагы чек арадан өтүп бара жаткан жеринен кармашкан.Эске салсак, 2017-жылы экс-мэр Нариман Түлеевдин 11 батири конфискацияланып, мамлекетке өткөрүлгөн. Анын сегизи мэриянын, ал эми үчөө Башкы прокуратуранын балансына берилген.
https://sputnik.kg/20190908/tuleevdin-batirleri-mehriya-kyzmatkeri-1045647043.html
https://sputnik.kg/20210329/miliciya-kylmysh-aldamchylyk-1051930064.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, кыргызстан, окуялар, кылмышкер, алдамчылык, батир, сот, өкүм
жаңылыктар, кыргызстан, окуялар, кылмышкер, алдамчылык, батир, сот, өкүм
Мэриянын үйлөрүн сатып жиберген кызматкер 16 жылга кесилди
19:47 26.04.2021 (Жаңыртылды: 14:27 14.12.2021) Мэрияда иштеген кызматкер ондон ашуун адамды сызга отургузуп, 33 миллион 070 миң 250 сомго алдап кеткени аныкталды.
БИШКЕК, 26-апр. — Sputnik. Нариман Түлеевден алынган сегиз батирди сатып ийген мэриянын мурунку кызматкери Эрик Ашыралиев 16 жылга эркинен ажыратылып, 300 миң сом айып салынды. Мындай өкүмдү Ленин райондук соту чыгарганы тууралуу маалымат Жогорку соттун сайтына жарыяланды.
Сот аны Жазык кодексинин 204-беренеси ("Алдамчылык"), 233-беренеси ("Коммерциялык же башка уюмда ыйгарым укуктарын кыянаттык менен пайдалануу"), 359-беренеси ("Документтерди жасалмалоо") жана 358-беренеси ("Мамлекеттик чек арадан мыйзамсыз өтүү") боюнча күнөөлүү деп тапкан. Жаза мөөнөтү 2019-жылдын 7-сентябрынан тарта эсептелет.
Маалыматка ылайык, 2012-жылы Эрик Ашыралиев 12 иш боюнча алдамчылыкка күнөөлүү деп табылып, беш жылга эркинен ажыратылган. Ал жаза мөөнөтүн жатак абагында өтөп чыккан. 2017-жылы соттуулугу тууралуу маалыматты жашырып, Ленин райондук акимчилигинин экономика жана финансы бөлүмүнүн жетектөөчү адисинин милдетин аткаруучу болуп жумушка орношкон. Ошондон 2019-жылга чейин сегиз адамды сызга отургузуп, ири суммага алдап кеткен.
Ага карабай соттуулугун дагы жашырып, Бишкек шаардык мэриянын Муниципалдык мүлк башкармалыгынын жалпы бөлүмүнүн башкы адисинин милдетин аткаруучу кызматына келген. Андан соң жасалма документтердин негизинде Бишкек шаарынын мурдагы мэри Нариман Түлеевден өндүрүлгөн сегиз батирди сатып, акчасын өзүнө ыйгарып алган. Ал батирлер мэриянын мүлк башкармалыгынын балансында турган.
Натыйжада сот Эрик Ашыралиев ондон ашуун адамды сызга отургузуп, 33 миллион 070 миң 250 сомго алдап кеткенин аныктаган. Аталган сумманы ээлерине төлөп берүү милдеттендирилди.
29 Жалган Куран 2021, 11:58
Мындан сырткары, аукцион аркылуу арзан түшөт деген жүйө менен бир үй-бүлөгө 5000 долларга Toyota Camry саткан. Ал эми ушундай эле үлгүдөгү дагы эки автоунаа алып берүү үчүн 16 миң доллар алып, бирок убадасын аткарган эмес. Натыйжада 21 миң доллар зыян келтиргени айтылат.
Белгилей кетсек, кылмышкер иши ачыктала баштаганда Баткен облусунда жашырынып жүрүп, Тажикстанга өтүп, андан ары Түркияга учуп кетүүнү пландаштырган. 2019-жылдын 7-сентябрында милиционерлер менен УКМКнын Коррупцияга каршы күрөшүү кызматынын өкүлдөрү Ашыралиевди Лейлек районундагы чек арадан өтүп
бара жаткан жеринен кармашкан.
Эске салсак, 2017-жылы экс-мэр Нариман Түлеевдин 11 батири конфискацияланып, мамлекетке өткөрүлгөн. Анын сегизи мэриянын, ал эми үчөө Башкы прокуратуранын балансына берилген.
